Respýblıkalyq advokattar alqasynyń tóraǵasy Aıdyn Bıkebaev eks-mınıstr Qýandyq Bıshimbaevtyń isine qatysatyn advokattardy jarııa talqylamaýǵa shaqyrdy, dep habarlady «Adyrna» tilshisi.
«Advokattardy Bıshimbaev isine qatysatyn áriptesterin jarııa talqylaýdy toqtatýǵa shaqyramyn. Bul áreketter kásibı ádep kodeksin buzýǵa ákelýi múmkin. Ár nárseniń shegi bolýy kerek. Árbir advokat advokatýranyń bedelin oılaýy tıis»,—dedi ol.
Sondaı-aq Aıdyn Bıkebaev jaqyn kúnderi osy iske qatysty jıyn ótetinin málimdedi.
«Respýblıkalyq advokattar alqasynyń tóralqasy aldaǵy kúnderi osy iske baılanysty barlyq máseleler boıynsha aýmaqtyq advokattar alqalary basshylarynyń qatysýymen arnaıy keńeıtilgen otyrys ótkizedi»,—dep tolyqtyrdy tóraǵa.
Aıta keteıik, azamattyq nekedegi áıeli Saltanat Núkenovany óltirdi degen aıyppen isti bolyp jatqan eks-mınıstr Qýandyq Bıshimbaevty advokat Leıla Ramazanova, Nazken Qusaıynova jáne Erlan Ǵazymjanov qorǵap jatyr.
