XX ǵasyrdyń birinshi jartysyndaǵy qazaq tarıhyna tereń iz qaldyrǵan kórnekti tarıhı tulǵalardyń biri, memleket qaıratkeri Oraz Jandosovtyń dúnıege kelgenine bıyl - 125 jyl, dep habarlaıdy "Adyrna" ulttyq portaly.
Ol 1899 jyly 20 aqpanda Qaskeleń qalasy, qazirgi Jandosov aýylynda dúnıege kelgen. 1918 jyly Vernyı erler gımnazııasyn bitirip, revolıýııalyq jumysqa qatysty. Jetisý sovdepiniń nusqaýshysy bolyp, jergilikti jerde Keńes úkimetin nyǵaıtýǵa atsalysady.
Jetisý oblysy revolıýııalyq-áskerı komıtetin jáne oblystyq «Qosshy» odaǵyn basqardy. 1921-1923 jyly Túrkistan KP OK-iniń úgit-nasıhat bóliminiń ekinshi hatshysy boldy.
1928-1937 jyly Qazaq AKSR aǵartý halkomy, Qazaq aýyl sharýashylyǵy ınstıtýtynyń dırektorlyǵymen qatar respýblıkalyq kitaphananyń dırektory boldy.
Ultaralyq qatynasty retteýge kóp eńbek sińirdi. BKP (b)-nyń HII jáne HIV, KSRO Keńesteriniń ekinshi, jetinshi, segizinshi sezdiniń delegaty boldy.
1937 jyly tamyzda partııa qatarynan shyǵaryldy da, jalǵan saıası aıyppen tutqyndaldy. 1938 jyly naýryzda atý jazasyna kesildi. 1957 jyly segizinshi maýsymda aqtaldy. Qazaq aqyny Kenen Ázirbaev Jandosqa arnap óziniń «Orazjan» ánin shyǵarǵan. Respýblıkamyzda onyń esimi kóptegen eldi mekenderge berilip, Almaty qalasynda bir kóshe Jandosovtyń atymen atalyp, eskertkish qoıylǵan.
Orazjan
Orazjan, serkesi ediń Jetisýdyń,
Jasyńnan talaptanyp oqý qýdyń.
Qosh-aman bol, Orazjan.
Er aǵań aldyńdaǵy Toqash eliń.
Ekeýiń Jubanyshpen egiz týdyń.
Qosh-aman bol, Orazjan.
Bıiktep samoletpen aspanǵa ushtyń,
Mine, endi arbamenen Tashken kóshtiń.
Qosh-aman bol, Orazjan.
Qordaıdyń asýynan asyryp sap,
Alpystaı dastaryńmen qosh aıtystym.
Qosh-aman bol, Orazjan.
1922
