Ótken aptanyń sońynda Qazaqstan Respýblıkasy ıfrlyq damý, ınnovaııalar jáne aeroǵarysh mınıstri Baǵdat Mýsın Nur-Sultan qalasyndaǵy Halyqqa qyzmet kórsetý ortalyqtarynyń birine «mınıstr» retinde emes, jaı qyzmet alýshy, klıent retinde bardy. Bul týraly «Adyrna» ulttyq portaly mınıstrdiń ınstagramm paraqshasyndaǵy jazbasyna silteme jasaı otyryp habarlaıdy.
«HQKO-nyń bári bizdiń kóńilimiz qalaǵandaı, oıdaǵydaı emes eken. Kútpegen kezde, tosynnan barý jalpy jaǵdaımen tanysýdyń eń tıimdi ádisi ekendigin taǵy da túsindim. Buǵan deıin basshy retinde baryp edim», - dep aǵynan jarylypty elimizdiń «eń jas mınıstr» B.Mýsın.
Ol HQKO barǵandaǵy óz kózimen kórgen «kóńilge qonymsyz» kórinisterdi de tizimdep, naqty aıtypty:
- «HQKO mańaıynda «kómek qolyn sozǵysh» dúńgirshekter qaptap ketipti. Olar «aqysyna» EQ shyǵaryp berýge jáne egov portalynyń qyzmetterin alýǵa kómektesedi. Pandemııa kezinde HQKO-daǵy ózine-ózi qyzmet kórsetý oryndary jabylyp qalǵan edi, alaıda bul sondaılyq durys sheshim bolmaǵandyǵyn kórip otyrmyz. Adamdar jańaǵy dúńgirshekterge jınalǵandyqtan vırýs juqtyrý qaýpi de basym, onyń ústin «tegin» alýǵa bolatyn qyzmet úshin «aqy» tóleıdi.
Bir apta ishinde óz-ózine qyzmet kórsetý oryndaryn qaıta qalpyna keltirýdi tapsyrdym! Pandemııamen kúresýge kómekteskendeı syńaı tanytqandaı bolmaı, sanıtarlyq jaǵdaıdy baqylaýǵa ustaı otyryp, HQKO-da jumys istegenimiz durys.
- HQKO-nyń sanıtarlyq toraptaryndaǵy (dárethanalar men qol jýatyn oryndar) jaǵdaı da máz emes ekendigi baıqalady.
Olardy tez arada jóndeýge qarjy bólý, sanıtarlyq toraptardy ár saǵat saıyn sýretke túsirip, ol fotolardy basshylarǵa jáne ahýaldyq ortalyqqa jiberip otyrý tájirıbesin engizý týraly sheshim qabyldandy. Sondaı-aq, "Azamattarǵa arnalǵan úkimet" KEAQ óńirlik jáne aýdandyq basshylaryn jeke jýynatyn bólmeleri bar sándi kabınetterden aıyrýdy tapsyrdym. Basshy klıentpen birge bir sanıtarlyq torapqa barýy kerek, sonda jaǵdaı basqasha bolady dep oılaımyn.
- Resepshnniń qasynda da adam kóp. Buǵan sebep klıent keńes alyp bolǵan soń ǵana talon beriletindigi. Meniń kózimshe az degende 5 adam anyqtamalardy basyp shyǵardy.
Tutynýshylardyń eń kóp alatyn qyzmet túrlerine, mysaly: «eger jeke kýáligiń joǵalsa ne isteý kerek?», «páterińizde siz tanymaıtyn adam tirkeýde turǵandyǵyn bilgen jaǵdaıda qaıtpek kerek?» jáne t.b. suraqtar boıynsha qysqa da nusqa,ári naqty keńester kórsetilgen bir bettik jeke-jeke aqparat-paraqshalar daıyndaý kerektigi týraly sheshim qabyldandy.
Al anyqtamalardy basyp shyǵarý úshin sol baıaǵy eski bolsada yńǵaıly ınfokıoskiler qaıtadan iske qosylady, oǵan kýáligińizdi qoıyp, skanerden ótkizip, kez-kelgen anyqtamany shyǵarýǵa nemese qyzmet alýǵa ótimim berýge bolady.
- Jeke kýáligimdi qalpyna keltirdim. Sýretke túsirgen soń, adam sýretke qalaı túskenin kórý úshin ornynan turyp operatordyń monıtoryna úńilýge májbúr. Bul yńǵaısyz.
Barlyq jerge ekinshi monıtor qoıý kerektigi týraly sheshim shyǵaryldy. Bul sheshim shyndyǵynda 2013 jylǵy standartta bekitilgen bolatyn! 2013 jyly engizilgen nárseni qaıta qaıtarýǵa týra kelip tur!
- Qandaı da bir qujattyń daıyn bolǵandyǵy týraly bilý úshin qazir HQKO qońyraý shalýǵa májbúrsiń. (2008 jyldyń ózinde Tımýr Júnisovtiń aıtýy boıynsha qujattyń daıyn ekendigi jáne ony alyp ketýge bolatyndyǵy týraly sms-habarlamalar jasalynǵan edi).
Az ýaqyttyń ishinde klıentterge sms-habarlama joldaý boıynsha servısti qaıta qalpyna keltirý týraly sheshim qabyldandy.
- Kezekti brondaý – bir paıdasy joq dúnıe. Kezekti brondaısyń, erterek kelesiń, al senimen birge bronsyz adamdar da keledi, urysysady, daýlasady sodan olarǵa da qyzmet kórsetiledi.
Brondy tek belgili bir fokýs toby (ol jerge ár túrli jastaǵy adamdar kiretin bolady) qoldana alatyn kezde ǵana mindetti qylý kerektigi týraly sheshim qabyldandy.
HQKO-ǵa budan erterek barmaǵanym úshin keshirińizder.Barlyq qyzmet túrlerin onlaınǵa aýystyryp, HQKO barý qajettiligin joıýdy oıladym. Alaıdy, jasy úlken adamdar úshin HQKO barý áldeqaıda tán qubylys ekendigin moıyndaımyn, sondyqtan budan bylaı da qyzmet kórsetý kezindegi jasalatyn jaılylyq jolynda ter tógemin».
Foto B.Mýsınniń ınstagramm paraqshasynan alyndy
Erke Jomart
«Adyrna» ulttyq portaly