Bügın, 1 şılde künı Bas prokuraturada 2024 jyldyŋ bırınşı jartyjyldyǧynyŋ jūmys qorytyndysy boiynşa keŋeitılgen alqa otyrysy öttı, dep habarlaidy «Adyrna» tılşısı.
Jiynda aktivterdı qaitaru boiynşa memleketke 312 mlrd teŋge, onyŋ ışınde şetelden – 63 mlrd teŋge qaitarylǧany aityldy. 50 mlrd teŋgege 513 myŋ gektar oligopoliia jerı tärkılengen.
«Jalpy äleumettık-ekonomikalyq salada prokurorlardyŋ aktılerı boiynşa 2,5 mln adamnyŋ qūqyqtary qalpyna keltırıldı. Biudjetke 41 mlrd teŋge kölemınde keltırılgen zalal öteldı. 167 qylmystyq ıs qozǧaldy, 75 adam sottaldy»,—delıngen habarlamada.
Bas prokuraturanyŋ mälımetınşe, biyl zaŋsyz ūstalǧan 708 adam bosatylǧan.
«Tergeu barysynda zaŋdylyqty qamtamasyz etu şeŋberınde prokurorlar 800-den astam azamatty qylmystyq ortaǧa negızsız tartudyŋ jolyn kestı. Konstitusiialyq qūqyqtardyŋ būzyluy üş eseden astam tömendedı. Prokurorlardyŋ narazylyqtary men ötınışterı boiynşa 34 sottaluşynyŋ jaǧdaiy jaqsardy, 2 adam aqtaldy. 708 zaŋsyz ūstalǧan adam bosatyldy.
Sondai-aq biyl arnaiy prokurorlar bırqatar rezonanstyq ıster boiynşa tergep-tekserudı aiaqtady jäne olardy sotqa jıberdı. Konstitusiialyq Sotta 10 ıs jürgızu boiynşa qūqyqtyq qorytyndylar berıldı. Konstitusiialyq Sot Bas Prokurordyŋ 2 joldanymy boiynşa oŋ şeşımder şyǧardy»,—dep jazdy Bas prokuraturanyŋ baspasöz qyzmetı.
