"Eren basshym barda erteńime senemin!" - Baqytgúl Hamenovanyń apellıaııalyq shaǵymy qanaǵattandyrylǵan joq

3193
Adyrna.kz Telegram
QR Májilisiniń burynǵy depýtaty ári Atyraý oblysy ákiminiń burynǵy orynbasary, oıy júırik, sózi sulý burynǵy memlekettik qyzmetker Baqytgúl Hamenovanyń apellıaııalyq shaǵymyn sot qarastyrdy. 21 aqpan kúngi málimet boıynsha, sot úkimi ózgerissiz qaldy. Qanaǵattandyrylǵan joq. Al ózge sottalǵandardyń jazasy jeńildetildi, dep habarlaıdy "Adyrna" ulttyq portaly. 

Buǵan deıin sot Baqytgúl Hamenovany bala 14 jasqa tolǵanǵa deıin shartty túrde bas bostandyǵynan aıyrý jazasyna kesip, sot zalynda qamaýdan bosatqan bolatyn. Atyraý oblysy ákiminiń burynǵy orynbasary aldyn ala kelisim boıynsha bir top adamnan para aldy degen aıyp taǵyldy.

Sot alqasy burynǵy májilis depýtatyna qatysty úkimdi ózgerissiz qaldyrdy, onyń jazasyn jeńildetýge qatysty negizdi qarastyrmady.

Alaıda, osy is boıynsha aıyp arqalaǵandardyń ishinde "baǵy janǵandar" da bar. Dál osy is boıynsha kináli dep tanylǵan oblystyq mádenıet basqarmasynyń burynǵy basshysy Aqylbek Rysqalıev jeti jyldan eki jylǵa deıin, al «Balqytý» JShS dırektory Ómirtaı Adamov tórt jyldan 1,6 jylǵa deıin bas bostandyǵynan aıyryldy.

Barlyq sottalǵandar ómir boıyna memlekettik qyzmette laýazymdardy atqarý quqyǵynan aıyrylady. Zańger Igor Vranchev apellıaııalyq alqanyń sheshimine shaǵym jasalatynyn aıtty.

Daýdyń bastaýyna úńile keteıik, 2021 jyldyń jeltoqsanynda Atyraý oblysy ákiminiń orynbasary qyzmetin atqarǵan Baqytgúl Hamenova jáne tóńiregindegi birneshe qyzmetken Uly Abaı eskertkishin ornatýǵa bólingen qarajatqa qol saldy degen kúdikpen ustalǵan bolatyn.

"Adyrna" ulttyq portaly 

Pikirler