Şyǧys Qazaqstanda 3 äkım jauapqa tartyldy. Sebebı Şemonaiha audanynda memlekettık satyp alu turaly tıkelei şarttar zaŋsyz jasalǧany anyqtalǧan, dep habarlaidy "Adyrna" tılşısı.
ŞQO Bas prokuraturasynyŋ mälımetınşe, äkımder öz jūmysyna salǧyrt qaraǧan.
"Jekelegen äkımder "Memlekettık satyp alu turaly" zaŋnyŋ 39-baby 3-tarmaǧy 42-tarmaqşasynda körsetılgen erejenı būzǧan. Olar satyp alu kezınde bır ǧana jūmystyŋ qūnyna toqtalyp (3000 AEK-ten aspaityn), jūmystyŋ bırtektılık jaily qoiylatyn talaptaryn ädeiı elemegen", - dep jazylǧan vedomstvo habarlamasynda.
Iаǧni, Şemonaiha qalasy äkımınıŋ apparaty qysqy jol jöndeu jūmystaryn jürgızuge jalpy somasy 27,2 mln teŋgege 3 şart jasasypty. Jūmystyŋ sipaty bırtektı, bıraq būl rette jalpy qūny 3000 AEK-ten asqanyn eskere otyryp, būl satyp alular bäsekelestık ortada jüzege asyryluy kerek bolǧan.
"Osyndai zaŋ būzuşylyqtarǧa Zevakin jäne Vavilon auyldyq okrugterınıŋ äkımderı de jol bergen. Prokurorlyq qadaǧalau aktısı boiynşa Şemonaiha qalasy, Zevakin jäne Vavilon auyldyq okrugterınıŋ äkımderı äkımşılık jauapkerşılıkke tartylyp, ärqaisysyna 100 AEK mölşerınde aiyppūl salyndy", - delıngen Bas prokuratura joldaǧan habarlamada.
Ūqsas jaŋalyqtar
