Ermek Köşerbaev Şyǧys Qazaqstan oblysynyŋ äkımı bolyp taǧaiyndaldy, dep habarlaidy «Adyrna» tılşısı.
«Memleket basşysynyŋ Jarlyǧymen Ermek Bedelbaiūly Köşerbaev Şyǧys Qazaqstan oblysynyŋ äkımı bolyp taǧaiyndaldy. Ol Qazaqstan Respublikasynyŋ Resei Federasiiasyndaǧy Tötenşe jäne Ökılettı Elşısı lauazymynan bosatyldy»,—dep jazdy Aqordanyŋ baspasöz qyzmetı.Bügın ŞQO aumaǧyndaǧy mäslihattar deputattarynyŋ jinalysynda oblys äkımı lauazymyna 2 kandidat ūsynyldy. Olar – Qazaqstannyŋ Reseidegı Tötenşe jäne Ökılettı Elşısı Ermek Köşerbaev jäne Şyǧys Qazaqstan oblysy äkımınıŋ orynbasary Darhan Sapanov. Ümıtkerlerdı mäslihattardyŋ 153 deputatyna Ükımet basşysy Älihan Smaiylov tanystyrdy. Ermek Köşerbaevqa 117, al Darhan Sapanovqa 36 deputat dauys berdı. Aita keteiık, Ermek Bedelbaiūly 1965 jyly Almatyda tuǧan. S.M.Kirov atyndaǧy Qazaq memlekettık universitetın (qazırgı äl-Farabi atyndaǧy QazŪU - red.), KSRO Syrtqy ıster ministrlıgınıŋ Diplomatiialyq akademiiasyn bıtırgen. Ol «Eren eŋbegı üşın» medalımen, «Qūrmet» ordenımen marapattalǧan. Tötenşe jäne Ökılettı Elşı diplomatiialyq därejesı bar. Būǧan deiın oblysty 9 jyl boiy Danial Ahmetov basqardy. 15 mausym künı ol 69 jasqa toldy.
Ūqsas jaŋalyqtar
