Memleket basshysy Ishki ister mınıstrliginiń alqa májilisin ótkizdi, dep habarlaıdy «Adyrna» tilshisi.
Qasym-Jomart Toqaev tártip saqshylarynyń qyzmetine toqtaldy.
«Tártip saqshylarynyń qyzmeti ońaı emes. Kúni-túni jumys isteıtin kezder jıi bolady. Qaýip-qater de bar. Táýlik boıy, ıaǵnı 24 saǵat boıy saqadaı saı bolý úshin erekshe qajyr-qaırat pen tózimdilik qajet. Sebebi qıyn jaǵdaıǵa tap bolǵan jandar, eń aldymen, polıııadan kómek kútedi. Azamattarymyz sizderge memlekettiń, ıaǵnı bıliktiń ókili retinde qaraıdy. Qaýip-qaterden qorǵaıdy dep senedi. Sondyqtan sizderge árdaıym orasan zor jaýapkershilik júkteledi»,—dedi ol.
Prezıdent kóptegen qazaqstandyqtyń alaıaqtarǵa aldanyp qalyp jatqanyn da atap ótti.
«Men búgin qoǵamda ózekti bolyp turǵan taǵy bir máselege toqtalǵym keledi. Qazir kóptegen azamattarymyz alaıaqtardyń aılasyna túsip, aldanyp qalyp jatyr. Sondyqtan quqyq qorǵaý organdary alaıaqtarǵa qarsy tabandy kúres júrgizýge tıis. Olarǵa eshqandaı jeńildik jasalmaýy kerek. Sebebi alaıaqtardyń jasaǵan áreketinen halyq zardap shegýde.
Mysaly, jaqynda bir týrıstik kompanııa zańǵa baǵynatyn bir top azamatty aldap, olardy qajylyqqa jibergen. Endi, kinásiz adamdar Saýd Arabııasynyń polıııa ýchaskesinde qamaýda otyrýǵa májbúr. Osyndaı alaıaq kompanııanyń zańǵa qaıshy áreketi azamattarymyzdyń densaýlyǵyna, olardyń moraldyq jaǵdaıyna jáne jalpy elimizdiń bedeline úlken nuqsan keltirip otyr. Bul jerde, árıne, adamdardyń quqyqtyq saýatsyzdyǵy da bar.
Endi, memleketimiz, ıaǵnı Syrtqy ister mınıstrligi olarǵa barynsha kómektesýi qajet. Al Ishki ister mınıstrligi alaıaq kompanııanyń basshylyǵyn, qyzmetkerlerin zańǵa sáıkes jaýapqa tartýǵa tıis. Ádiletti qoǵam quramyz desek, dál osyndaı ózekti máselelerdi sheshýimiz kerek»,—dedi Toqaev.
