Memleket Basşysy Qasym-Jomart Toqaev Ūlttyq qauıpsızdık komitetınıŋ töraǧasy Ermek Saǧynbaevty qabyldady, dep habarlaidy "Adyrna" ūlttyq portaly Aqordanyŋ baspasöz qyzmetıne sılteme jasap.
Prezidentke vedomstvonyŋ 2023 jyly atqarǧan jūmysynyŋ negızgı nätijelerı men aldaǧy kezeŋge arnalǧan jospary turaly mälımet berıldı.
Qasym-Jomart Toqaevqa byltyr ŪQK bölımşelerı elımızde ekı terrorlyq ärekettıŋ jäne şeteldıŋ arnauly qyzmetterımen bırge özge memleketterdıŋ aumaǧynda üş laŋkestık aksiianyŋ aldyn alǧany jönınde baiandaldy. Laŋkestık jäne ekstremistık qylmystar jasaǧany üşın 43 adam sottaldy. Jyl boiy Ūlttyq qauıpsızdık komitetınıŋ üilestıruımen terrorizmge qarsy 208 komandalyq-ştabtyq jäne 196 jedel-taktikalyq oqu-jattyǧu jiyny ötken.
Ermek Saǧymbaev ekonomikalyq qauıpsızdıktı qamtamasyz etu jäne jiı kezdesetın sybailas jemqorlyqqa qarsy küres jūmystarynyŋ nätijesı jönınde aitty. Qabyldanǧan şaralar nätijesınde jalpy 1,5 trillion teŋgeden astam qarjy tüsken, sonyŋ ışınde memlekettık biudjetke qaitaru bastamasy aiasynda 680 milliard teŋgeden asa qarjy qaitaryldy.
Sonymen qatar kezdesude Işkı ıster ministrlıgımen bırlesıp, ūiymdasqan 15 qylmystyq top qyzmetınıŋ joly kesılgenı, sondai-aq 681 qaru men 85 myŋnan astam oq-därı tärkılengenı turaly aityldy.
Esırtkı biznesıne qarsy ıs-qimyl boiynşa 36 zerthana joiyldy. 34 halyqaralyq jäne 32 öŋırlık esırtkı arnasyna tosqauyl qoiylyp, 3,6 tonna esırtkı tärkılendı.
ŪQK halyqaralyq yntymaqtastyq aiasynda şeteldık ärıptesterımen bırqatar operasiiany jüzege asyrdy.
Memlekettık şekarany küzetu salasynda qūqyq būzǧan 31 myŋnan astam adam ūstalǧan. Qaru-jaraq, oq-därı jäne esırtkı alyp ötuge qatysty 739 äreketke, sondai-aq jalpy somasy 11,7 milliard teŋge bolatyn valiuta men altyndy, somasy 12,6 milliard teŋgenı qūraityn tauardy tasymaldauǧa jol berılmedı.
Ūlttyq qauıpsızdık komitetınıŋ tehnikalyq bölımşelerı memlekettık organdardyŋ resurstaryna jäne eldıŋ maŋyzdy strategiialyq infraqūrylym nysandaryna jasalǧan 86,3 million kiberşabuyl men 2156 DDoS-şabuyldy toitarǧan.
Ūqsas jaŋalyqtar
