Qazaqstan Prezidentı Qasym-Jomart Toqaev Ūlttyq qūryltaida köterılgen bastamalardy jüzege asyru turaly josparǧa qol qoidy. 53 tarmaqtan tūratyn būl qūjatty Prezident Äkımşılıgı Ükımetpen bırlesıp äzırledı. Būl turaly QR Memlekettık keŋesşısı Erlan Qarin Telegram-arnasynda jazdy, dep habarlaidy “Adyrna” ūlttyq portaly.
“Bügın Memleket basşysy Ūlttyq qūryltaidyŋ IV otyrysynda kötergen bastamalardy jüzege asyru turaly josparǧa qol qoidy. 53 tarmaqtan tūratyn būl qūjatty Prezident Äkımşılıgı Ükımetpen bırlesıp äzırledı. Josparda Prezidenttıŋ gumanitarlyq jäne äleumettık-ekonomikalyq salalardaǧy tapsyrmalaryn oryndauǧa qatysty naqty qadamdar közdelgen, — dep atap öttı Erlan Qarin.
Memleket basşysynyŋ gumanitarlyq bastamalaryn jüzege asyru üşın:
● «Qazaqstan balalary» bıryŋǧai baǧdarlamasyn äzırleu;
● Işkı saiasat tūjyrymdamasyn äzırleu jäne bekıtu;
● Naşaqorlyqqa jäne esırtkı biznesıne qarsy kürestıŋ 2026-2028 jyldarǧa arnalǧan jaŋa keşendı josparyn qabyldau,
● Ūlttyq sifrlyq arhiv qūru;
● biznes ökılderın tarta otyryp aimaqtarda teatrlardy salu jäne damytu, sondai-aq ūlttyq teatrlarǧa qoldau körsetu;
● Şetelde Abai institutyn aşu;
● Halyqaralyq biologiialyq äraluandyqty qorǧau qoryn qūru qarastyrylǧan.
Al äleumettık-ekonomikalyq jobalardyŋ ışınen mynalardy atap ötuge bolady:
● «Jaily mektep» ūlttyq jobasyn jüzege asyrudy jalǧastyru, üş jylda 1300 mekteptı jaŋǧyrtu;
● erekşe qajettılıgı bar adamdarǧa arnalǧan zamanaui oŋaltu ortalyqtaryn aşu, ärbır oblys ortalyǧynda erekşe qajettılıgı bar balalardy oŋaltu jäne damytu ortalyqtaryn qūru;
● Öŋırlerdı damytu tūjyrymdamasyna qatysty tyŋ täsılderdı engızu;
● 2025-2026 jyldary ırı infraqūrylymdyq jobalardy jüzege asyru, sonyŋ ışınde Astanadan Arqalyq, Torǧai jäne Yrǧyz arqyly Transkaspii halyqaralyq kölık dälızıne tura şyǧatyn avtokölık jolyn salu jäne jaŋǧyrtu, Arqalyqtaǧy äuejaidy qalpyna keltıru jäne jaŋa aerovokzal keşenın salu;
● aldaǧy tört jyl ışınde elımızde jyl saiyn 200-ge juyq investisiialyq jobany ıske qosu.
“Sonymen qatar şekara maŋyndaǧy audandardy damytu, ǧylym qalaşyqtaryn qūru, erekşe qajettılıkterı bar balalardy keşendı qoldau, ükımettık emes ūiymdar jäne memlekettık äleumettık tapsyrys turaly jeke zaŋdar qabyldanady. Jalpy, Prezidenttıŋ Ūlttyq qūryltaidyŋ IV otyrysynda kötergen bastamalary men bergen tapsyrmalary memlekettık organdar üşın de, bükıl qoǧam üşın de elımızdıŋ ūzaq merzımge arnalǧan damu baǧdaryn aiqyndaidy”, — dep tüiındedı memlekettık keŋesşı.
Aita keteiık, 14 nauryzda Burabaida Ūlttyq qūryltaidyŋ IV otyrysy öttı.
