Qazaqstan Prezıdenti Qasym-Jomart Toqaev Ulttyq quryltaıda kóterilgen bastamalardy júzege asyrý týraly josparǵa qol qoıdy. 53 tarmaqtan turatyn bul qujatty Prezıdent Ákimshiligi Úkimetpen birlesip ázirledi. Bul týraly QR Memlekettik keńesshisi Erlan Qarın Telegram-arnasynda jazdy, dep habarlaıdy “Adyrna” ulttyq portaly.
“Búgin Memleket basshysy Ulttyq quryltaıdyń IV otyrysynda kótergen bastamalardy júzege asyrý týraly josparǵa qol qoıdy. 53 tarmaqtan turatyn bul qujatty Prezıdent Ákimshiligi Úkimetpen birlesip ázirledi. Josparda Prezıdenttiń gýmanıtarlyq jáne áleýmettik-ekonomıkalyq salalardaǵy tapsyrmalaryn oryndaýǵa qatysty naqty qadamdar kózdelgen, — dep atap ótti Erlan Qarın.
Memleket basshysynyń gýmanıtarlyq bastamalaryn júzege asyrý úshin:
● «Qazaqstan balalary» biryńǵaı baǵdarlamasyn ázirleý;
● Ishki saıasat tujyrymdamasyn ázirleý jáne bekitý;
● Nashaqorlyqqa jáne esirtki bıznesine qarsy kúrestiń 2026-2028 jyldarǵa arnalǵan jańa keshendi josparyn qabyldaý,
● Ulttyq ıfrlyq arhıv qurý;
● bıznes ókilderin tarta otyryp aımaqtarda teatrlardy salý jáne damytý, sondaı-aq ulttyq teatrlarǵa qoldaý kórsetý;
● Shetelde Abaı ınstıtýtyn ashý;
● Halyqaralyq bıologııalyq áralýandyqty qorǵaý qoryn qurý qarastyrylǵan.
Al áleýmettik-ekonomıkalyq jobalardyń ishinen mynalardy atap ótýge bolady:
● «Jaıly mektep» ulttyq jobasyn júzege asyrýdy jalǵastyrý, úsh jylda 1300 mektepti jańǵyrtý;
● erekshe qajettiligi bar adamdarǵa arnalǵan zamanaýı ońaltý ortalyqtaryn ashý, árbir oblys ortalyǵynda erekshe qajettiligi bar balalardy ońaltý jáne damytý ortalyqtaryn qurý;
● Óńirlerdi damytý tujyrymdamasyna qatysty tyń tásilderdi engizý;
● 2025-2026 jyldary iri ınfraqurylymdyq jobalardy júzege asyrý, sonyń ishinde Astanadan Arqalyq, Torǵaı jáne Yrǵyz arqyly Transkaspıı halyqaralyq kólik dálizine týra shyǵatyn avtokólik jolyn salý jáne jańǵyrtý, Arqalyqtaǵy áýejaıdy qalpyna keltirý jáne jańa aerovokzal keshenin salý;
● aldaǵy tórt jyl ishinde elimizde jyl saıyn 200-ge jýyq ınvestıııalyq jobany iske qosý.
“Sonymen qatar shekara mańyndaǵy aýdandardy damytý, ǵylym qalashyqtaryn qurý, erekshe qajettilikteri bar balalardy keshendi qoldaý, úkimettik emes uıymdar jáne memlekettik áleýmettik tapsyrys týraly jeke zańdar qabyldanady. Jalpy, Prezıdenttiń Ulttyq quryltaıdyń IV otyrysynda kótergen bastamalary men bergen tapsyrmalary memlekettik organdar úshin de, búkil qoǵam úshin de elimizdiń uzaq merzimge arnalǵan damý baǵdaryn aıqyndaıdy”, — dep túıindedi memlekettik keńesshi.
Aıta keteıik, 14 naýryzda Býrabaıda Ulttyq quryltaıdyń IV otyrysy ótti.
