30 qańtar kúni "Azattyq" radıosy Astananyń mamandandyrylǵan aýdanaralyq ákimshilik sotyna basylym jýrnalısterine akkredıtaııa berýden jáne uzartýdan bas tartqany úshin Qazaqstan SIM-ne sheshim kúshin joıýdy talap etip, aryz berdi, dep habarlaıdy "Adyrna" ulttyq portaly "Azattyq" saıtyna siltep.
Aryzda ókildik Azattyq tilshilerine akkredıtaııa bermegen nemese akkredıtaııa merzimin uzartpaǵan Qazaqstan SIM-niń sheshimin zańsyz dep tanyp, kúshin joıýdy suraǵan.
Mınıstrlikke qarsy shaǵym 2024 jyldyń 3 qańtarynda Azat Eýropa/Azattyq radıosyna Qazaqstan syrtqy ister mınıstrliginen "ókildiktiń 36 qyzmetkerin akkredıtteýden nemese akkredıtaııa merzimin uzartýdan bas tartý týraly sheshim qabyldanǵany jóninde" hat kelgennen keıin túsirilip otyr.
Vedomstvo jaýabynda jýrnalısterdiń "akkredıtaııasyz jumys istep kelgeni", sonymen birge redakııaǵa aıyppul salynǵanyn (quqyq qorǵaýshylar "jalǵan aqparat týraly" jańa bapty reseılik "feıkter týraly" zańǵa uqsatqan) alǵa tartqan.
Shaǵymda Azat Eýropa/Azattyq radıosy - Qazaqstan ókildigi (RFE/RL-Qazaqstan) sottan vedomstvo keltirgen dálel-dáıekterdi negizsiz dep tanýdy suraǵan, sebebi redakııanyń aıtýynsha, olar jýrnalısterdiń akkredıtaııasyna qatysty ótinishterdi ýaqytynda berip otyrǵan, ótinishter qaralýy tıis kezde jýrnalısterde akkredıtaııa merzimi aıaqtalmaǵan, al mınıstrlik ótinishterdi jaýapsyz qaldyrǵan. Aqparatqa qaraǵanda, qyzmetkerlerdi akkredıtaııadan ótkizý týraly ótinishter ókildikti ákimshilik jaýapqa tartý týraly sheshim shyqqanǵa deıin kóp ýaqyt buryn berilgen, biraq olar "der kezinde qaralmaǵan".
