«Taliban» qozǧalysynyŋ ökılı Zabihulla Mujahid Auǧanstan bilıgı batystyq qūndylyqtardyŋ yqpalynda dep esepteitın halyqaralyq ūiymdardyŋ «nūsqaularyn» qabyldamaitynyn aitty, dep habarlaidy "Adyrna" tılşısı.
Ol būl turaly eldıŋ «Mili» ūlttyq telearnasyna bergen sūhbatynda habarlaǧan. Mujahidtıŋ sözınşe, Auǧanstanda äielderdıŋ qūqyqtary şariǧat talaptaryna säikes qamtamasyz etılgen. Onyŋ aituynşa, «Taliban» ökılderı batystyq közqarasqa negızdelgen jäne islam qūqyǧyna qaişy keledı dep sanaityn äielder qūqyqtaryn qabyldamaidy.
Sondai-aq qozǧalys ökılı «Taliban» müşelerı dıni ǧalymdar ekenın jäne äielderdıŋ qūqyqtaryna qatysty islam normalaryn tüsındıruge jetkılıktı bılımı bar dep esepteitının aitty.
Būl mälımdeme 11–12 şılde künderı İslamabadta ötken İslam yntymaqtastyǧy ūiymynyŋ äielder ısterı jönındegı ministrlerınıŋ 9-konferensiiasynyŋ qorytyndy deklarasiiasy jariialanǧannan keiın jasaldy.
Qūjatta Auǧanstandaǧy qyzdardyŋ bılım aluyna jäne äielderdıŋ eŋbek etuıne qoiylǧan şekteuler islam qūndylyqtaryna qaişy keletını atap ötılgen.
Konferensiiaǧa qatysuşylar islam äielder men qyzdardyŋ qadır-qasietın, qūqyqtaryn, qoǧam ömırıne qatysuyn jäne damuyn qoldaitynyn aityp, olardyŋ äleumettık, ekonomikalyq jäne saiasi ömırge tolyqqandy aralasuynyŋ maŋyzyn erekşe atap öttı. Sonymen qatar deklarasiiada Auǧanstanda äielderge qatysty engızılgen şekteulerge bailanysty alaŋdauşylyq bıldırılıp, mūndai şaralar äielderdıŋ qūqyqtary men ar-namysyn qorǧaityn islam qaǧidattaryna qaişy keletını körsetılgen.
