Sońǵy 10 jylda álemde 1300-den astam jýrnalıst kásibı boryshyn óteý kezinde qaza tapty. Bul týraly BUU Adam quqyqtary jónindegi Joǵarǵy komıssary Folker Túrik aıtty, dep habarlaıdy “Adyrna” ulttyq portaly RIA Novostıge siltep.
«Jýrnalısterdiń qaýipsizdigi erekshe máselege aınaldy. Sońǵy 10 jylda 1300-den astam jýrnalıst qaza tapty, óıtkeni olar bizdiń nazarymyzdy erekshe júrek aýyrtatyn jaǵdaılarǵa (adam quqyqtarynyń buzylýy bar) aýdarǵysy keldi. Nátıjesinde olardyń quqyǵy qorǵalmady», - dedi Túrikk Davostaǵy Dúnıejúzilik ekonomıkalyq forýmda.
Ol sondaı-aq, dúnıe júzindegi áıel quqyqtarynyń saqtalýyna alańdaıtynyn aıtyp, Aýǵanstandaǵy jaǵdaıǵa toqtala ketti. Sondaı-aq, ol klımattyń ózgerýiniń adam quqyqtaryna keri áseri alańdatatynyn da aıtty.
