«Áýejaıdy basyp alý isi» boıynsha 4 jylǵa sottalǵan jýrnalıst, belsendi Áıgerim Tileýjannyń densaýlyǵy nasharlady. Bul týraly Masa Media tilshisi jarııalady, dep habarlaıdy ”Adyrna” ulttyq portaly.
«Maǵan Áıgerimniń densaýlyǵy nasharlaǵany týraly, mekeme tarapynan tıisti kómek kórsetilmegeni jóninde aqparatty onyń anasy aıtty. Áıgerim ashtyq jarııalaǵan kezde onyń birneshe tisi túsip qalǵan. Qazir onyń densaýlyǵy nasharlaǵan», — dedi Áıgerim Tileýjannyń densaýlyǵy jóninde advokaty Aınara Aıdarhanova.
Sondaı-aq, advokattyń aıtýynsha, Áıgerim Tileýjannyń tisi ǵana emes, omyrtqasy da aýyryp, protrýzııasy asqynǵan.
Jaýǵashty aýylyndaǵy áıelder túrmesiniń ákimshiligi Áıgerim Tileýjannyń staıonarǵa jatqyzylmaýyna medıına bólimi ǵımaratynyń jóndelýi sebep degen.
Aıta keteıik, jýrnalıst, saıası belsendi Áıgerim Tileýjan Qańtar oqıǵasy kezinde «Almaty áýejaıyn basyp alýdy uıymdastyrdy» degen aıyppen 4 jylǵa bas bostandyǵynan aıyrylǵan.
