10 qarasha kúni Shymkent qalalyq mamandandyrylǵan ákimshilik soty «Jala jabý» babymen sotqa tartylǵan jýrnalıst Marına Nızovkınanyń isin toqtatty. Bul týraly «Ádil sóz» halyqaralyq sóz bostandyǵyn qorǵaý qory málimdedi, dep habarlaıdy «Adyrna» ulttyq portaly.
«Nızovkına Marına Vıktorovnaǵa qatysty QR ÁQBtK 2 – bóliginiń 3-tarmaǵynyń 73-baby boıynsha qozǵalǵan ákimshilik is toqtatylsyn», - dep qaýlyny sýdıa Serik Nııazbek jarııalady.
Ermahan Ábdiramanov Marına Nızovkınany adamnyń ar-namysy men qadir-qasıetine nemese onyń bedeline nuqsan keltiretin kórineý jalǵan aqparat taratty dep aıyptaǵan bolatyn. Áleýmettik jelidegi eki jarııalanym sotqa deıin jetken.
«2023 jyldyń 11 qyrkúıeginde ınspektorlar polıııa bastyǵyn kólikti jalǵan nómirmen júrgizgen degen kúdikpen toqtatqan. Al 2023 jyldyń 13 shildesinde ol óziniń fotosýreti bar «jalǵan jazbany» kórgen», – dep habarlaıdy Qor.
Jýrnalıst Shymkent qalasy boıynsha sot saraptamalary ınstıtýtynyń «QR ÁM Sot saraptamalary ortalyǵyna» júgindi jáne sarapshylar polıeıdiń ar-namysyna, qadir-qasıetine jáne iskerlik bedeline nuqsan keltiretin teris málimetter joq degen qorytyndyǵa keldi.
Aıtalyq, atalǵan is shilde aıynda Shymkent qalalyq PD bastyǵynyń birinshi orynbasary Ermahan Ábdiramanov jýrnalıst Marına Nızovkınany jala japty dep aıyptaǵan. Buǵan jýrnalıstiń Instagram jelisindegi jeke paraqshasynda jarııalanǵan eki jazbasy sebep bolǵan.
«Adyrna» ulttyq portaly
