Jýrnalıst Áıgerim Tileýjan kolonııada ekinshi ret emdelýge shyǵarylmaı otyr, dep habarlaıdy “Adyrna” ulttyq portaly. Bul týraly advokat Aınara Aıdarhanova málimdedi.
«Qylmystyq is qozǵalǵannan keıin Áıgerim Tileýjan ekinshi ret josparly aqyly emdelýge jiberilmedi. Oǵan sebep aıtylmaıdy», – deıdi advokaty Aınara Aıdarhanova.
Eske sala keteıik, 5 naýryzda jýrnalıst Áıgerim Tileýjanǵa qatysty jańa qylmystyq is qozǵalǵany belgili boldy.
2022 jyldyń qazan aıynda Áıgerim Tileýjan Almaty áýejaıyndaǵy qańtardaǵy tártipsizdikke qatysty kúdikti bolǵany aıtyldy. Oǵan Qazaqstan Respýblıkasy Qylmystyq kodeksiniń 272-babynyń 1-bóligimen (zorlyq-zombylyqpen, qyrǵynmen, órt qoıýmen, múlikti joıýmen, atys qarýyn, jarylǵysh zattardy nemese jarylǵysh qurylǵylardy qoldanýmen, sondaı-aq bılik ókiline qarýly qarsylyq kórsetýmen ushtasqan jappaı tártipsizdikter uıymdastyrý) boıynsha aıyp taǵyldy.
2023 jyldyń sáýir aıynyń basynda Tileýjan bul isti saıası astary bar dep atady.
2023 jyldyń 11 shildesinde sot Tileýjandy tórt jylǵa bas bostandyǵynan aıyrýǵa úkim shyǵardy. Qańtardyń 30-y kúni belsendi Rınat Rafhat qamaýdaǵy saıasatker Áıgerim Tileýjannyń densaýlyǵynyń nasharlaǵany týraly habarlady.
2024 jyldyń 5 naýryzynda Áıgerim Tileýjanǵa qatysty jańa qylmystyq is qozǵaldy. Onyń advokaty isti qysqartý kerektigin aıtty.
