Astanada Kenesary han eskertkışıne jöndeu jūmystary jürgızılmek. Būl turaly qala äkımdıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
«Tarihi-mädeni mūrany saqtau maqsatynda 2024-2025 jyldary Esıl özenınıŋ jaǧasynda ornalasqan Kenesary han eskertkışın qaita jaŋǧyrtu josparlanuda», - delıngen habarlamada.
Ǧylymi-tehnikalyq tekseru qorytyndysy boiynşa nysan qauıptı dep tanyldy.
Aqparatqa säikes, nysandy demontajdau 2024 jyldyŋ qaraşasynda bastalady. Nysannyŋ özı qaita jöndeuden keiın 2025 jyldyŋ köktemınde ornyna qaitarylady dep josparlanuda.
Qaita qūru kelesı jūmystardy qamtidy: müsındı bölşekteu jäne ony keiınnen qalpyna keltıru, tūǧyrdy jäne onyŋ ainalasyndaǧy aumaqty bölşekteu, sonymen qatar qūrylymdy keiınnen ornatu jäne tūǧyrdy qaptau materialymen ärleu.
