Astanada Kenesary han eskertkishine jóndeý jumystary júrgizilmek. Bul týraly qala ákimdiginiń baspasóz qyzmeti málimdedi, dep habarlaıdy “Adyrna” ulttyq portaly.
«Tarıhı-mádenı murany saqtaý maqsatynda 2024-2025 jyldary Esil ózeniniń jaǵasynda ornalasqan Kenesary han eskertkishin qaıta jańǵyrtý josparlanýda», - delingen habarlamada.
Ǵylymı-tehnıkalyq tekserý qorytyndysy boıynsha nysan qaýipti dep tanyldy.
Aqparatqa sáıkes, nysandy demontajdaý 2024 jyldyń qarashasynda bastalady. Nysannyń ózi qaıta jóndeýden keıin 2025 jyldyń kókteminde ornyna qaıtarylady dep josparlanýda.
Qaıta qurý kelesi jumystardy qamtıdy: músindi bólshekteý jáne ony keıinnen qalpyna keltirý, tuǵyrdy jáne onyń aınalasyndaǵy aýmaqty bólshekteý, sonymen qatar qurylymdy keıinnen ornatý jáne tuǵyrdy qaptaý materıalymen árleý.
