Astanada qalaǧa kıre berıs jolǧa böget ornatu mäselesı köterıldı, dep habarlaidy “Adyrna” ūlttyq portaly.
“Būl joba köşı-qondy baqylauǧa, sondai-aq qylmysty azaituǧa septıgın tigızedı”, - deidı Astana mäslihatynyŋ Qūqyqtyq tärtıp jäne qoǧammen bailanys mäselelerı jönındegı tūraqty komissiiasynyŋ töraǧasy Azamat Aithojin. Deputattyŋ aituynşa, elordada ötkızu punktterınıŋ joqtyǧy sapasyz önımderdıŋ äkelınuıne, sondai-aq qaladaǧy kölık qozǧalysynyŋ öte az boluyna sebep bolyp otyr. "Qalaǧa lastanǧan et äkelınıp jatyr degen mäselenı bırneşe ret köterdık – būl bır. Bügınde elordaǧa esırtkı de äkelınude. Oŋtüstık oblystardan da adamdar kelıp jatyr, olardyŋ ötkenın bılmeimız. jäne t.b. Bügınde qalamyzdyŋ kıre berısıne böget qoiatyn kez keldı degen sūraqty eşkım kötergen joq. Osy mäselenı nege kötermeimız, aityŋyzşy”, - dedı Aithojin Astana qalasy mäslihatynyŋ zaŋdylyq, qūqyqtyq tärtıp jäne halyqpen jūmys mäselelerı jönındegı tūraqty komissiiasynyŋ otyrysynda. Deputattyŋ saualyna jauap bergen Astana polisiia departamentınıŋ ökılı jolǧa böget ornatu mäselesı qaralyp jatqanyn, basqarma basşysy būl mäselenı Işkı ıster ministrınıŋ aldyna qoiǧanyn aitty. “Baqylau beketterınıŋ mäselesın tez arada şeşu kerek. “Teatr kiım ılgışten bastalady”, solai emes pe? Astanaǧa kez kelgen adam kıredı. Özbekstan men Qyrǧyzstan azamattary Oŋtüstık Qazaqstanǧa kelıp, şekaradan ötıp jatyr. Barlyǧy osynda, Astanaǧa asyǧady», - dep qosty Azamat Aithojin.“Adyrna” ūlttyq portaly
Ūqsas jaŋalyqtar
