Batys Qazaqstan oblysynda jük kölıkterınıŋ jürgızuşılerı Qazaqstan-Resei şekarasyndaǧy ülken keptelıske şaǧymdandy, dep habarlaidy "Adyrna" ūlttyq portaly "Moi gorod" portalyna sılteme jasap.
Jük kölıgınıŋ jürgızuşılerınıŋ aituynşa, şekarada kütu uaqyty keide bır täulıkten asady.
"Maştakovo" beketıne kelıp, 16 saǧat tūrdym. Jıgıtterdıŋ aituynşa, būl Qazaqstan şekaraşylarynyŋ jūmysyna bailanysty. Memlekettık kırıster departamentınıŋ qyzmetkerlerı jetkılıktı. "Beitarap aimaq" toly. Resei beketınen ekı saǧat boiy şyǧa almadym, sebebı beitarap aimaqta oryn joq boldy. Qazaqstan tarapy Resei baǧytyna alty qatar kölık ötkızıp, al "Syrym" beketıne tek bır qatar ǧana jıberedı. Sondyqtan Qazaqstanǧa qarai kezek paida bolady. Būl tärtıpsızdık qaşan aiaqtalady?" – dep şaǧymdandy jürgızuşıler.
Basylymnyŋ mälımetınşe, Batys Qazaqstan oblysy boiynşa ŪQK Şekara qyzmetı keptelısterdıŋ sebebı Reseidıŋ "Maştakovo" şekara beketınde jürıp jatqan jöndeu jūmystary ekenın tüsındırdı. Jöndeu jūmystaryn osy jyldyŋ 31 jeltoqsanynda aiaqtau josparlanyp otyr.
Būǧan deiın Reseidıŋ şekara beketındegı kölık joldaryn jöndeu jūmystary jürıp jatqany habarlanǧan bolatyn.
Jöndeu jūmystary kezınde jürgızuşılerge "Aqsai", "Şaǧan" jäne "Tasqala" sekıldı balama baǧyttardy paidalanuǧa keŋes berıldı.
Ūqsas jaŋalyqtar
