Qaznette "Qaraǵandy oblysynyń ákimi Jeńis Qasymbek Astana qalasynyń ákimi laýazymyna taǵaıyndalady" degen aqparat paıda bolyp, keń tarap ketti. Elorda ákimi Altaı Kólginov atalǵan qaýesetke qatysty óziniń pikirin bildirdi, dep jazady "Adyrna" ulttyq portaly.
"Qaýeset týraly eshteńe aıta almaımyn. Meniń oıymsha, barlyǵyn ýaqyt kórsetedi. Zań boıynsha, Konstıtýııa boıynsha Prezıdent saılanǵannan keıin barlyq ákimder óz qyzmetterin bosatatyny belgili. Ári qaraı Memleket basshysy sheshedi, kóresizder ǵoı. Ýaqyt tóreshi. Biz árqashan elge jáne qoǵamǵa qyzmet etýge daıynbyz. Memlekettik qyzmettiń mánisi osyda", - dedi Altaı Kólginov.
Esterińizge sala keteıik, buǵan deıin Qaraǵandy oblysynyń ákimi Jeńis Qasymbek Astana qalasynyń ákimi laýazymyna taǵaıyndalǵany týraly qaýesetti joqqa shyǵarǵan bolatyn.
"Adyrna" ulttyq portaly
