Astanada köktemgı jalpy tazalyq jūmysy jürıp jatyr

Elorda kommunaldyq qyzmetı qys mezgılınen keiın qalany auqymdy sanitarlyq tazalau jūmysyn jürgızıp jatyr, dep habarlaidy Astana qalasy äkımdıgınıŋ resmi saity.
Osy auqymdy jūmys aiasynda qalalyq infraqūrylymnyŋ ärtürlı nysandary tazalanyp, juylady: qorşaular, aialdamalar, jaryq baǧanalary, jol belgılerı, joldar, trotuarlar jäne t.b. Sonymen qatar, aula, skverler, saiabaqtar jäne basqa da qoǧamdyq oryndarda jöndeu-qalpyna keltıru jūmystary jürgızılude.
Qalanyŋ barlyq audanynda sanitarlyq tazalau jūmysy belsendı jürgızılude. Nūra audanynda jergılıktı aumaqtardy tazalau jäne retke keltıru boiynşa jüielı jūmys jürıp jatyr. Joldar juylyp, trotuarlar, köpırler, aialdamalar jäne qalalyq infraqūrylymnyŋ basqa elementterı tazalanyp jatyr.
Baiqoŋyr audanynda sanitarlyq tazalaumen qatar aula, skver jäne saiabaqtarda jöndeu-qalpyna keltıru jūmysy bastaldy. Balalar men sport alaŋdary, qoqys konteinerlerı ornalasqan oryndar rettelıp, abattandyru elementterı qalpyna keltırılude.
Almaty audanynda jūmystar küşeitılgen rejimde jürıp jatyr – kündelıktı şamamen 300 jol jūmysşysy men 250-den astam arnaiy tehnika jūmyldyrylǧan. Joldardy jäne infraqūrylymdy jumen qatar, jasyl jelekterge kütım körsetılıp, aialdamalar sanitarlyq tazalanuda, anşlagtar men qorşaulardyŋ elementterın qalpyna keltıru jūmysy jürıp jatyr.
Esıl audanynda da köktemgı jöndeu-qalpyna keltıru jūmysy bastaldy. Tas tösemeler qalpyna keltırılıp, D.Qonaev köşesındegı tıreu qabyrǧasynyŋ üstıŋgı taqtalary jöndelude. Kündelıktı qalalyq infraqūrylymnyŋ keşendı juu jūmysy jürgızılude. Būl jūmysqa 500-den astam jol jūmysşysy men 200-den astam tehnika jūmyldyrylǧan.
Saryarqa audanynda da auqymdy sanitarlyq tazalau jürgızılude. Jūmystar jol jabyndysyn, jer asty ötkelderın, aula aumaqtaryn jäne köşe jihazdaryn qamtidy. Sonymen qatar, aialdamalar tazalanyp, abattandyru elementterı jöndelıp jatyr. Sanitarlyq tazalauǧa 735-ten astam tehnika jäne 253 jol jūmysşysy jūmyldyrylǧan.
Saraişyq audanynda 200-den astam arnaiy tehnika men 400 jol jūmysşysy jūmyldyrylǧan. Qar şyǧaru, qūm-topyraq pen ırı qoqystardan tazartu, jol jiegın jinau, trotuarlar men köpırlerdı juu jūmysy jürgızılıp jatyr.
Qazırgı taŋda qalanyŋ barlyq alty audanynda sanitarlyq tazalau jūmysy jürgızılude. Trotuarlar men jol jabyndary arnaiy tehnikanyŋ kömegımen tazalanyp, kögaldy tūstar jäne basqa jerler retke keltırılıp jatyr.