Aqqumdyq ustazlar "Kúndelikti" toltyrý úshin kórshi aýyl men taý-tasty aralaýǵa májbúr, dep habarlaıdy "Adyrna".
Túrkistan oblysy Aqqum aýylynda mobıldi ınternet joq. Jergilikti turǵyndardyń aıtýynsha munda tipti uıaly telefonnan qońyraý shalý úshin bıik tóbege shyǵýǵa májbúr. Baılanys pen ınternettiń joqtyǵynan eń kóp zardap shegetin - aýyl mektebi muǵalimderi.
Mektep ustazdaryna kún saıyn elektrondy jýrnal "Kúndelikti" toltyrý talap etiledi. Al bul aýyldyń mektep oqýshylary ınformatıkany tek teorııalyq túrde oqýǵa májbúr. Mektep kompıýterlerinen keler paıda joq ekeni aıtyldy.
Aqqum aýylynyń turǵyny, ınformatıka pániniń muǵalimi Almasbek Sarman:
«Ǵalamtorǵa jalǵanǵan jalǵyz kompıýter tek mektepte bar. Shekteýmen berilgen 10 gıgabaıt tek 30 kúnge josparlanǵan. Kórshi aýylǵa barýǵa májbúrmiz», - deıdi.
Aıtýynsha Aqqumdaǵy 30-dan asa muǵalim sabaq berip, jumys ýaqyty aıaqatlǵan soń taksı jaldap, baılanysy men ınterneti bar aýyldardy jaǵalap, elektrondy jýrnaldy toltyrady. Al ár kún saıyn kórshi aýylǵa barý - shyǵyn. Sondaı-aq noýtbýgymen kóshede otyryp, bir kúndik jumysynyń esebin toltyrýǵa májbúr.
"Eger adam kóp bolsa, 200 teńgeden shyǵaramyz. Bir óziń bolsań, myń teńge beremin kún saıyn. Shamamen 500 teńge, myń teńgeden. Tanystar bolsa, arzan alady. Toqsannyń basynda qorytyndy esep jasaımyz. Sonda biz túngi saǵat 12-ge deıin isteımiz. Bala-shaǵa úıde qaraýsyz qalady. Ne mektepte emespiz, ne úıde emespiz. Jurt kúledi Aqqumnyń muǵalimderi syǵan sııaqty júredi nemese qydyryp júredi dep. "Bularǵa rahat" deıdi. Bizge rahat emes. Qaraýsyz bala-shaǵa. Mektepte otyrsaq jaqsy emes pe, kóp nárse isteımiz ǵoı. Ýaqyttyń bári jolǵa ketedi. Qaıtarda jaıaý-jalpy qaıtamyz. Biz mektepte ne úıde emespiz. Aqqum muǵalimderi syǵandar sııaqty dep kelekeleıdi,nemese bizdiń qalaı demalyp jatqanymyzdy qarańyzdar deıdi. Biraq kúlýge de ýaqytymyz joq. – deıdi bastaýysh synyp muǵalimi Quralaı Qojabergenova.
Bul jaǵdaıdan sheneýnikter habardar bolyp shyqty. Aýylǵa bazalyq stanııa ornatylyp, alaıda aqaýlyqtar bar kórinedi. Máseleni sheshý úshin 45 metrlik munara ornatý qajet. Olar tipti demeýshi tapty. Biraq jergilikti bılik uıaly baılanys operatorymen kelisimge kelý múmkin bolmaǵanyn alǵa tartady.
"Qazirgi tańda MJÁ 2.0 baǵdarlamasy júzege asyrylýda. Mınıstrlik optıka ornatady. Optıkany tóseý jumystaryn osy jyldyń aıaǵynda nemese kelesi jyly bastaý josparlanýda. Osydan keıin bazalyq stanııanyń sapasy jaqsarady dep úmittenemiz. – deıdi Qazyǵurt aýdany ákimdiginiń bas ınspektory Ersaıyn Nurlybek.
Buǵan deıin ıfrlyq damý, ınnovaııalar jáne aeroǵarysh ónerkásibi mınıstri Baǵdat Mýsınge Qazaqstandaǵy ınternet pen baılanys sapasy týraly birneshe saýal qoıylǵan bolatyn. Astana men Tokıodaǵy ınternet jyldamdyǵyn salystyrýdan bas tartqan mınıstrge taǵy da birneshe suraq qoıylǵan bolatyn. Al mınıstr 5G baılanysy aýyldyq jerlerge enip jatqan joq ekenin aıtady. Bazalyq stanııany ornatý ázirge tek mańyzdy qalalar men oblystarda júzege aspaq.
