Prezident Qasym-Jomart Toqaev türkı elderınıŋ jasandy intellekt ortalyqtarynyŋ jelısın qūrudy ūsyndy. Ol bılım-ǧylym salasyna qajettı mamandar daiarlaityn oqu ortalyqtary men ǧylymi mekemeler kerek ekenın aitty, dep habarlaidy "Adyrna".
Būl turaly Memleket basşysy Türkı memleketterı ūiymynyŋ beiresmi sammitınde aitty.
Prezidenttıŋ sözınşe, özara täjıribe almasu, bırlesıp kadrlar daiarlau jäne ozyq tehnologiialardy engızu öte maŋyzdy. Sondyqtan ol Türkı elderınıŋ jasandy intellekt ortalyqtarynyŋ jelısın qūrudy ūsyndy.
"Bız Qazaqstanda jaŋa formattaǧy tehnologiialyq oqu orny – Jasandy intellekt universitetın aşudy josparlap otyrmyz. Joǧary oqu ornynda türkı memleketterınıŋ azamattaryn oqytu üşın arnaiy granttar böluge daiynbyz. Baǧdarlamalau, jasandy intellekt jäne ozyq sifrlyq tehnologiia salalary boiynşa türkı elderınıŋ jastary arasynda jyl saiyn ǧylymi-tehnologiialyq olimpiada ūiymdastyrǧan jön dep sanaimyz. Būl bastamalardy jüzege asyru üşın Türkı investisiialyq qory tarapynan qarjylai kömek körsetuge bolar edı", - dedı ol.
Toqaevtyŋ sözınşe, biyl Qor naqty jobalar boiynşa jūmys ısteu täsılıne köştı. Jarǧylyq kapitaly 600 million dollarǧa jettı. Ony ūlǧaituǧa bolady.
"Būl – airyqşa mänı bar strategiialyq resurs. Sol sebeptı Qor barlyq startapqa qoldau körsetıp, infraqūrylymdyq jobalardy ıske asyruǧa belsene atsalysady dep senemız. Qor tolyqqandy qyzmet körsetuge tiıs. Müşe memleketterdı osy mındettı jedel jüzege asyruǧa şaqyramyn", - dedı ol.
