Burynǵy prezıdent Nursultan Nazarbaevtyń jıeni Nuráli Álıevke tıesili «TNS-INTEC» JShS Almaty oblysyndaǵy sel qaýpin baqylaýdyń avtomattandyrylǵan júıesine de (ASM) jaýapty ekeni belgili boldy, dep habarlaıdy «Adyrna» ulttyq portaly.
«Tapsyrys berýshi – «Qazaqstan Respýblıkasy Tótenshe jaǵdaılar mınıstrligi Almaty qalasynyń Tótenshe jaǵdaılar departamenti» memlekettik mekemesi; sıpattamalary – Almaty, Qarǵaly jáne Aqsaı qalalarynyń Kishi jáne Úlken ózenderiniń basseınderindegi sel qaýpin baqylaýdyń avtomattandyrylǵan júıesine tehnıkalyq qyzmet kórsetý; somasy – 46 317 000 teńge», - delingen memlekettik satyp alý saıtyndaǵy shartta.
Lot 2023 jyldyń mamyr aıynda jarııalandy. Al atalmysh baıqaýdy almatylyqtardy jer silkinisteri týraly aldyn ala eskertýge jaýapty jáne bul úshin 1,1 mlrd teńge alǵan «TNS-INTEC» JShS jeńip aldy.
Jabdyqtaýshy men tapsyrys berýshi arasyndaǵy aǵymdaǵy kelisimshart sol jyly jasalǵan.
«TNS-INTEC» JShS eks-prezıdent Nursultan Nazarbaevtyń jıeni Nuráli Álıevke tıesili, dep habarlady buǵan deıin «Ádildik joly» qoǵamdyq birlestiginiń (ÚEU) atqarýshy dırektory Dıdar Smaǵulov.
