Бұрынғы президент Нұрсұлтан Назарбаевтың жиені Нұрәлі Әлиевке тиесілі «TNS-INTEC» ЖШС Алматы облысындағы сел қаупін бақылаудың автоматтандырылған жүйесіне де (АСМ) жауапты екені белгілі болды, деп хабарлайды «Адырна» ұлттық порталы.
«Тапсырыс беруші – «Қазақстан Республикасы Төтенше жағдайлар министрлігі Алматы қаласының Төтенше жағдайлар департаменті» мемлекеттік мекемесі; сипаттамалары – Алматы, Қарғалы және Ақсай қалаларының Кіші және Үлкен өзендерінің бассейндеріндегі сел қаупін бақылаудың автоматтандырылған жүйесіне техникалық қызмет көрсету; сомасы – 46 317 000 теңге», - делінген мемлекеттік сатып алу сайтындағы шартта.
Лот 2023 жылдың мамыр айында жарияланды. Ал аталмыш байқауды алматылықтарды жер сілкіністері туралы алдын ала ескертуге жауапты және бұл үшін 1,1 млрд теңге алған «TNS-INTEC» ЖШС жеңіп алды.
Жабдықтаушы мен тапсырыс беруші арасындағы ағымдағы келісімшарт сол жылы жасалған.
«TNS-INTEC» ЖШС экс-президент Нұрсұлтан Назарбаевтың жиені Нұрәлі Әлиевке тиесілі, деп хабарлады бұған дейін «Әділдік жолы» қоғамдық бірлестігінің (ҮЕҰ) атқарушы директоры Дидар Смағұлов.
