Qaırat Satybaldyǵa tıesili «Baısat» bazarynyń bir bóligi memleketke qaıtaryldy. Bul sheshimdi Almaty qalasynyń mamandandyrylǵan aýdanaralyq ekonomıkalyq soty qabyldady, dep habarlaıdy “Adyrna” ulttyq portaly.
«2024 jyldyń 17 qańtarynda Almaty qalasynyń mamandandyrylǵan aýdanaralyq ekonomıkalyq sotynyń «Almaty jylý» holdıng kesheniniń («Baısat» bazary) múlkimen jasalǵan barlyq mámileni jaramsyz dep taný týraly sheshimi zańdy kúshine endi», - delingen habarlamada.
Sotta qyzmet beıinin saqtaý jáne ıelikten shyǵarýǵa tyıym salý týraly sharttyń talaptaryn saqtamaı, keshendi zańsyz satý faktileri rastalǵany aıtyldy. Mindetti satý shartynsyz 4 jyl burynǵy múlikti baǵalaý týraly ózeksiz esep kórsetilgen.
“Jalpy aýdany 4 221,4 m2 3 obektiden jáne 1,4 ga jerden turatyn múlik Baýyrjan Nursultanǵa (Qaırat Satybaldy uly) tıesili "QazGerStroı birlesken kásiporny" JShS jáne "Astana Finansial Group" JShS ózara úlestes kompanııalarynyń menshiginde bolǵan», - dep habarlady prokýrorlar.
Aıta keteıik, sotqa deıingi tergeý kezinde Qaırat Satybaldy «Baısat» bazarynyń biraz bóligin óz erkimen qaıtarǵan bolatyn.
“Adyrna” ulttyq portaly
