Qairat Satybaldyǧa tiesılı «Baisat» bazarynyŋ bır bölıgı memleketke qaitaryldy. Būl şeşımdı Almaty qalasynyŋ mamandandyrylǧan audanaralyq ekonomikalyq soty qabyldady, dep habarlaidy “Adyrna” ūlttyq portaly.
«2024 jyldyŋ 17 qaŋtarynda Almaty qalasynyŋ mamandandyrylǧan audanaralyq ekonomikalyq sotynyŋ «Almaty jylu» holding keşenınıŋ («Baisat» bazary) mülkımen jasalǧan barlyq mämılenı jaramsyz dep tanu turaly şeşımı zaŋdy küşıne endı», - delıngen habarlamada. Sotta qyzmet beiının saqtau jäne ielıkten şyǧaruǧa tyiym salu turaly şarttyŋ talaptaryn saqtamai, keşendı zaŋsyz satu faktılerı rastalǧany aityldy. Mındettı satu şartynsyz 4 jyl būrynǧy mülıktı baǧalau turaly özeksız esep körsetılgen. “Jalpy audany 4 221,4 m2 3 obektıden jäne 1,4 ga jerden tūratyn mülık Bauyrjan Nūrsūltanǧa (Qairat Satybaldy ūly) tiesılı "QazGerStroi bırlesken käsıporny" JŞS jäne "Astana Finansial Group" JŞS özara ülestes kompaniialarynyŋ menşıgınde bolǧan», - dep habarlady prokurorlar. Aita keteiık, sotqa deiıngı tergeu kezınde Qairat Satybaldy «Baisat» bazarynyŋ bıraz bölıgın öz erkımen qaitarǧan bolatyn.“Adyrna” ūlttyq portaly
Ūqsas jaŋalyqtar
