Almaty densaýlyq saqtaý basqarmasynyń aıtýynsha, 23 qańtarda Almatyda bolǵan jer silkinisi saldarynan 8 adam zardap shekken, dep habarlaıdy “Adyrna” ulttyq portaly.
“Turǵyn úılerdiń 2 jáne 3 qabattarynan sekirý saldarynan úsh adam zardap shekti. Tekserýden keıin eki zardap shegýshi ambýlatorlyq emdeýge jiberildi. Úshinshi naýqastyń jaǵdaıy aýyr dep baǵalanyp, aýrýhanaǵa jatqyzyldy. Bes adam úıden qashyp bara jatyp jaraqat alǵan. Barlyq qajetti medıınalyq kómek kórsetilgennen keıin olar ambýlatorlyq emdeýge jiberildi”, - dep habarlady Almaty densaýlyq saqtaý basqarmasynan.
Esterińizge sala keteıik, Almatyda magnıtýdasy MPV 6,7 bolatyn kúshti jer silkinisi boldy. Jer asty dúmpýleri birneshe mınýtqa sozylyp, qala turǵyndary úılerin asyǵys tastap shyqty.
Aıta keteıik, jer silkinisi Jetisý óńirinde de sezilgen. Keıin Tótenshe jaǵdaılar qyzmeti budan basqa jer asty dúmpýleri boljanbaǵanyn aıtty.
“Adyrna” ulttyq portaly
