Almatyda normativtı merzım boiynşa jylu beru mausymy 15 qazanda bastalady. Bıraq kün salqyndap ketetındei jaǧdai tuyndasa jylu erterek berıledı. Būl turaly qalalyq energotiımdılık jäne infraqūrylymdyq damu basqarmasynyŋ basşysy Evgenii Pak aitty, dep habarlaidy ”Adyrna” ūlttyq portaly "Almaty" telearnasyna sılteme jasap.
Jylytu mausymy bastalǧanda ädette eŋ aldymen äleumettık nysandarǧa, onyŋ ışınde mektepter men mektepke deiıngı oqytu nysandaryna, bılım beru oryndaryna jylu qosylady. Sodan soŋ köpqabatty tūrǧyn üilerge jylu berıledı. Odan keiın özge nysandardyŋ bärıne berıledı.
"Normativtı merzım boiynşa qalada jylu 15 qazanda berıledı. Alaida eger auanyŋ ortaşa täulıktık temperaturasy 5 kün qatarynan +8 gradus jäne odan tömen bolsa, 15 qazandy kütpeimız. Kün kürt suyp ketken jaǧdaida bırden jylu qosamyz", – dedı Evgenii Pak.
Basqarma basşysy qala jylytu mausymyna 100% daiyn ekenın atap öttı.
