Qazaqstandyq telejürgızuşı, mediamenedjer Vladimir Rerih qaitys boldy, dep habarlaidy "Adyrna" tılşısı.
Mediamenedjer 67 jasynda qaitys boldy. Būl turaly onyŋ būrynǧy äielı, ärıptesı Dana Nūrjıgıt Instagram-da habarlady.
"Älımnıŋ äkesımen soŋǧy kezdesuı eken… Volodia, Vladimir, Vladimir Ahmadianovich Rerih bügın Berlinde dünieden ozdy… Ūldy boldyq. Tüsınıspegen jerden men Qazaqstanda qalyp, sen Germaniiaǧa kettıŋ. Bıraq, sen menıŋ tūlǧa bolyp qalyptasuyma, maman bolyp ösuıme, ana bolyp bala tärbiesınde nege män beru kerektıgıme zor yqpal ettıŋ, aqylşym, sapalylyq, danalyq, ar, käsıbilıktıŋ biık ölşemı boldyŋ. Parasatyŋ, bılımıŋ, şeşendık önerıŋ, ziialylyǧyŋ erekşe edı. Jeltoqsanda baramyz dep Berlinge bilet alǧanym josparly sapar bolǧan joq,qazan aiynda özımnen özım balany saǧan aparǧym keldı. Soŋǧy kezdesu bolaryn kım bılgen, Volodia! Anaŋ Emma Aleksandrovna, menıŋ aiauly enemnıŋ qasyna kettıŋ… Balaŋ özıŋdı körıp, biylǧy tuǧan künıŋmen bırınşı bolyp qūttyqtaǧany soŋǧy ret eken ǧoi… Myna dünieden tynyştyq tappaǧan, tüsınıstık tappaǧan janyŋ jännättan rahat tapsyn!", - dep jazdy Dana Nūrjıgıt.Jurnalist Vladimir Rerih pen Dana Nūrjıgıt 1996 jyly 11 nauryzda tanysyp, 15 jyl otasqan. Belgılı telejürgızuşı Rerih 1958 jyly Taldyqorǧanda düniege kelgen. 1987-1994 jyldary "Sovetskii Kazahstan" kinojurnalynda rejisserdıŋ kömekşısı, redaktor, "Qazaqfilm" kinostudiiasynda rejisser, ssenarist jäne körkemdık jetekşı qyzmetınde boldy. 1996 jyldan 2003 jylǧa deiın "Habar" agenttıgınde basşylyq lauazymdarda eŋbek ettı. 2006 jyldan 2011 jylǧa deiın - Euraziialyq mediaforumnyŋ bas prodiuserı. "Habar" telearnasynda "Pozdnii Rerih" telebaǧdarlamasynyŋ avtory jäne jürgızuşısı boldy.
Ūqsas jaŋalyqtar
