Belgili jýrnalıst, Qazaqstan Jýrnalıster odaǵy syılyǵynyń laýreaty, aqparat salasynyń úzdigi, mádenıet qaıratkeri Nurperzent Dombaı ómirden ozdy. Qaraly habardy Aqparat jáne qoǵamdyq damý mınıstri Aıda Balaeva jetkizdi.
«Nurperzent Dombaıdyń ómirden ozýyna baılanysty marqumnyń otbasy men jaqyn-týǵandarynyń qaıǵylaryna ortaqtasyp kóńil aıtamyn.
Nurperzent Dombaı búkil sanaly ǵumyryn otandyq jýrnalıstıka salasyna arnap, qarymdy qabiletimen, zor shyǵarmashylyq áleýetimen ulttyq medıanyń damýyna ólsheýsiz úles qosty. Qyzmet jolyn óńirlik BAQ-nan bastap, óziniń eńbekqorlyǵymen respýblıkalyq deńgeıge deıin kóterildi. Jýrnalıstıkamen qatar, poezııa álemine de qalam terbedi, mándi de mazmundy derekti shyǵarmalar jazdy. Marqumnyń jarqyn bolmysy men tulǵasy jaqyndary men áriptesteriniń, jazǵan rýhanı dúnıeleri qalyń oqyrman qaýymnyń esinde máńgi saqtalady. Jatqan jeri jaryq, topyraǵy torqa bolyp, nury peıishte shalqysyn»,–dep jazdy mınıstr.
«Adyrna» ujymy marqumnyń jaqyndary men týystaryna kóńil aıtady.
«Adyrna» ulttyq portaly
