Senator Dana Nūrjıgıt elımızdıŋ Premer-Ministrıne joldaǧan deputattyq saualynda Ükımettı äskeri qyzmetşılerdıŋ ömırı men densaulyǧyn saqtau jönındegı jūmysty küşeituge şaqyrdy. Būl turaly Azattyq Ruhy agenttıgı habarlady, dep jazady "Adyrna" ūlttyq portaly.
Deputattyŋ aituynşa, soŋǧy üş jylda 237 äskeri qyzmetşı qaza boldy. 2020 jyly -77, 2021 jyly -96, 2022 jyly 64 adam köz jūmǧan. Onyŋ 89-y aurudan, 62-sı jol apatynan, 50-ı suisid saldarynan qaitys boldy.
Senator jaǧdaidy jaqsartu üşın äskerge şaqyryluşylardyŋ ǧana emes, jasöspırımderdıŋ de psihologiialyq jaǧdaiyn baqylau maŋyzdy ekenın atap öttı.
«Bız 13-14 jastaǧy er balalardyŋ densaulyǧy, tän saulyǧy, psihikasy, psihologiiasy ünemı baqylauda boluy kerek dep esepteimız. Äskerge şaqyru komissiiasynyŋ aldyna kelgenşe ol balanyŋ bükıl psiho-fizikalyq portretı, barlyq aqparat arnaiy elektrondy kıtapşada jinalyp tūrǧany dūrys. Qazırge kezde mındettelgen kvotany toltyru üşın äsker qataryna densaulyǧy joq bozbalalar da ketıp jatyr», - dedı Dana Nūrjıgıt.Senator äskeri qyzmetşılerdıŋ qoǧamdaǧy märtebesın köterudıŋ maŋyzdylyǧy jäne olardyŋ äl-auqatyn jaqsartu turaly da aitty. Onyŋ aituynşa, mūnda öz şeşımın talap etetın köptegen mäsele qordalanyp qalǧan.
«Qaruly küşter qataryndaǧy kelısım-şart boiynşa qyzmetke kelgen bırınşı jyldaǧy soldattyŋ jalaqysy 82 myŋ teŋge. Qazaqstan därıgerlerınıŋ jalaqysy köterılgende, elımızdıŋ äskeri därıgerlerı būl ülesten qalys qalyp, bügınde olardyŋ jalaqysy 200 myŋ teŋgenı qūraidy. 2021 jyldan berı «Äskeri baspana» baǧdarlamasy aiasynda «Otbasy bank» alǧaşqy jarnany 5%-dan 20%-ǧa deiın ösırgen. Al äskeri jalaqy 100 myŋǧa da jetpeitın jas äskeri maman baspananyŋ alǧaşqy 20 paiyzyn qalai tölemek? Osydan keiın baryp, äskeri adamnyŋ qoǧamdaǧy märtebesı turaly qandai söz qozǧauǧa bolady?!», - dedı deputat.Dana Nūrjıgıt äskerge şaqyrylatyn jäne äskerge şaqyrylǧandardyŋ densaulyǧyn saqtau jäne qadaǧalau, olardyŋ densaulyǧynyŋ elektrondyq tırkelımın jasau jäne äskeri qyzmetşılerdıŋ äl-auqatyn jaqsartuǧa bailanysty vedomstvoaralyq yntymaqtastyqty nyǧaitudy közdeitın bırqatar ūsynystar aitty.
"Adyrna" ūlttyq portaly
Ūqsas jaŋalyqtar
