Bir aıdan astam ýaqyt boıy ereýilge shyqqan West Oil Softwar munaı servıstik kompanııasynyń júzdegen qyzmetkerleri ereýilge qatysýshylarǵa qysymdy toqtatýdy talap etýde, dep habarlaıdy "Adyrna" tilshisi "Azattyq radıosyna" silteme jasap.
Kompanııa qyzmetkerleri ereýilge shyqqan áriptesterine qysym kórsetilip jatqanyn aıtyp, Qazaqstan prezıdenti Qasym-Jomart Toqaevqa úndeý jasady.
13 qańtarda jarııalanǵan úndeýde ereýilge qatysýshylar jumystan shyǵarylǵan 7 adam polıııaǵa shaqyrylǵanyn aıtqan. Olardyń aıtýynsha, qyzmetkerler qylmystyq kodekstiń 402-baby boıynsha qozǵalǵan iste kýáger retinde shaqyrylǵan.
"500-den astam azamattyq daýys eseptelmeıdi jáne bizge tek qysym jasalady. Bul zaıyrly demokratııalyq memlekettiń prınıpterine qaıshy kelmeı me? Biz ereýilge qatysýshylardyń quqyqtaryn qurmetteýdi talap etemiz", - deıdi jumysshylar.
West Oil Softwar munaı servıstik kompanııasynyń jumysshylary 2023 jylǵy 11 jeltoqsannan bastap jumysty tolyǵymen toqtatqan. Jumysshylar atalǵan mekemeniń óndiristegi materıaldyq tehnıkalyq bazasyn jańartýdy surap, mekeme qyzmetkerleriniń «KazMunaıGaz» UQ AQ qosý, eńbek aqy tóleýdiń biryńǵaı júıesiniń tarıfimen teńestirý talaptaryn aıtyp, ereýilge shyqqan bolatyn.
Degenmen, jalaqy máselesin daýlaǵan qyzmetkerler «West Oil Software» JShS-niń basshylyǵyna ereýilge shyǵatyny jaıly habar bermegen.
Qaraqııa aýdandyq sotyna talap qoıýshy ««West Oil Software» JShS-i jumyskerlerdiń ereýilin zańsyz dep taný týraly talap qoıýmen júgingen. Sebebi qyzmetkerler tarapynan ereýil ótkizý uzaqtyǵy jáne oryndalatyn qajetti jumystardyń eń az kólemi jóninde usynystar kórsetilmegen.
Al sot «West Oil Software» JShS-niń talap qoıýy qanaǵattandyrylyp, jumyskerlerdiń ereýili zańsyz dep tanyldy.
