Qasym-Jomart Toqaev Respublikalyq qoǧamdyq ştabqa baryp, kezekten tys Prezident sailauyndaǧy «Aşyq qoǧam» aimaqtyq zertteuler halyqaralyq instituty jürgızgen Exit poll-dyŋ qorytyndysymen tanysty.Exit poll-dyŋ nätijesı jariialanǧannan keiın Respublikalyq qoǧamdyq ştab müşelerınıŋ aldynda söilegen sözınde Qasym-Jomart Toqaev bügın erekşe, tarihi nauqan ötkenın atap öttı.
– Būl nauqannyŋ bızdıŋ tarihymyzda qalatyny sözsız. Exit Poll-dyŋ aldyn ala nätijesı şyqty. Ärine, resmi qorytyndyny kütemız. Degenmen qazırdıŋ özınde halqymyz maǧan Prezident retınde jäne barşaŋyzǧa ülken senım artty dep aituǧa bolady. Halyqtyŋ senımı – būl eŋ qūndy närse. Sondyqtan halyqtyŋ senımın bärımız aqtauymyz kerek. Bügın, mıne 21 qaraşadan bastap bärımız jūmysqa kırısuımız qajet, – dedı Qasym-Jomart Toqaev.
Sonymen qatar myqty memleket qūramyz desek, eŋ aldymen, ädıldık ornatu qajet ekenın, onsyz eşqandai da reforma bolmaitynyn aitty. Onyŋ aituynşa, bärımız bır ūlt, bır qoǧam bolyp ıske kırısuımız qajet.
Qasym-Jomart Toqaev özıne ülken senım artqany üşın koalisiiaǧa rizaşylyǧyn bıldırdı.
– Qoǧamdyq ştabqa, senımdı ökılderıme, erıktılerge raqmet aitamyn. Sızder elımızdıŋ är tükpırıne bardyŋyzdar. Auyl-aimaqtar, şalǧai eldı mekender nazardan tys qalǧan joq. El arasynda ügıt-nasihat jürgızdıŋızder. Būl – ülken jūmys. Ony men eşqaşan ūmytpaimyn. Sol sebeptı bügıngı körsetkış – bärımızge ortaq jeŋıs, – dedı Qasym-Jomart Toqaev.
Onyŋ pıkırınşe, sailau zaŋǧa säikes öttı. Qazaqstan Respublikasynyŋ Prezidenttıgıne ümıtkerlerge bırdei mümkındık berıldı.
– Olar aimaqtardy emın-erkın aralady. Sailauşylarmen kezdesıp, ügıt-nasihat jürgızdı. Iаǧni, eşkımge şekteu qoiylǧan joq. Ärbır sailauşyǧa öz taŋdauyn jasauyna erkındık berıldı. Sondyqtan būl nauqan erekşe ädıl, aşyq öttı, – dedı Qasym-Jomart Toqaev.
Qasym-Jomart Toqaev Prezident sailauy jaŋa saiasi däuırge jol aşatynyn aityp, aldaǧy uaqytta basty bilık instituttary tügel jaŋǧyrtylatynyn jetkızdı.
– Konstitusiialyq reformany tolyǧymen jäne naqty jüzege asyramyz. Elımızdıŋ saiasi qūrylysyn jaŋa qalypqa tüsıremız. Ekonomikany tübegeilı özgertemız. Halqymyzdyŋ äl-auqatyn arttyramyz. Sonyŋ bärın oidaǧydai atqaru üşın bızge bırlık kerek. Sondyqtan ärdaiym bırge bolaiyq! – dedı Qasym-Jomart Toqaev.
Sözınıŋ soŋynda ol şaraǧa qatysuşylardy Jaŋa, Ädılettı Qazaqstandy bırge qūruǧa şaqyryp, baq-bereke tıledı.
