Qazaq oqýshysy Dýbaıda óz júldesin anasy qaıtys bolǵan dosyna bergen. Bul týraly 81 mektep-gımnazııasynyń muǵalimi Asanuly Nurǵalı Instagram paraqshasyna vıdeo jarııalady, dep habarlaıdy “Adyrna” ulttyq portaly.
Almaty qalasyndaǵy 81 mektep-gımnazııa, 6 “b” synyp oqýshysy Aıbar Álınur djıý-djıtsýdan Abý-Dabıde bolǵan álem chempıonatynan kúmis alqa ıegeri atandy. Alǵashynda dosymen altynǵa talasyp, fınalǵa túsken Álınur bas júldeni dosyna bergen.
Ol fınalǵa 4 adamdy jeńip shyǵady. Sol kezdegi qarsylasy ózimen bir klýbta jattyǵatyn sportshy bolyp shyǵady. Ol sportshynyń jaqynda anasy qaıtys bolǵanyn Álınur estigen bolýy kerek, kúrespeı birden birinshi oryndy sol sportshyǵa beredi. Qarsylas sportshy óziniń qýanyshyn jasyra almaı kóz jasqa erik berip, alǵysyn aıtqan.
