Sporttyq bıden Latvııanyń Salaspıls qalasynda ótken álem chempıonatynda Qazaqstan tuńǵysh ret altyn aldy. Maksım Jılenkov pen Arına Molochkova birinshi oryn ıelenip, jeńis tuǵyryna kóterildi. Alaıda marapattaý rásiminde Qazaqstannyń eski ánurany qosylǵan. Bul týraly jýrnalıst Aıdos Rymqul ánurannyń aýysýy jıi qaıtalanatynyn qatań synǵa alyp, Facebook jelisinde jazba qaldyrdy, dep habarlaıdy “Adyrna” ulttyq portaly.
Bul el tarıhynda sporttyq bıden ıelengen alǵashqy altyn júlde. Alaıda sportshylardy marapattaý kezinde osydan 16 jyl burynǵy ánuran shyrqaldy.
«Latvııada sporttyq bıden álem chempıonaty ótip jatyr. Atalǵan jarysta jastar arasynda synǵa túsken otandastarymyz Maksım Jılenkov pen Arına Molochnıkova sporttyq bıdiń qossaıys túrinde qarsylas shaq keltirmeı, álem chempıony atandy. Dese de marapattaý saltanatynda masqara jaǵdaı boldy.
Elimizdiń qazirgi gımniniń ornyna 1991-2006 jylǵa deıingi gımnimiz oınaldy. Ánurannyń aýysqanyna 16 jyl bolsa da, masqara jaǵdaı qaıtalanýda.
Oǵan jaýapty sport fýnkıonerlerine de báribir sııaqty. Qaıbir jyly men Sportty damytý dırekııasynda jumys istegende sheteldik jarysqa shyqqan árbir komandaǵa elimizdiń gımni men kók týyn qosyp jiberý baspasóz hatshysynyń moınynda bolatyn. Qazir qalaı ekenin bilmeımin, dese de sumdyq mynaý», - dep jazdy jýrnalıst.
Latvııadaǵy álem chempıonatynda 32 el sportshylary baq synaýda.
