Futboldan Qazaqstan ūlttyq qūramasyn Äli Äliev jattyqtyruy mümkın, dep habarlaidy “Adyrna” ūlttyq portaly.
44 jastaǧy maman jaqynda ǧana Petropavldyŋ "Qyzyljar" komandasynan ketken bolatyn. Būǧan deiın ol "Jeŋıs", "Şahter" jäne "Astana" jastar komandasyn jattyqtyrdy.
Älievtıŋ daiyndauymen 2023 jyly "Qyzyljar" premer-ligada besınşı orynǧa ie bolyp, Konferensiia ligasynyŋ ırıkteu kezeŋınde oinady. Komanda alǧaşqy ırıkteu kezeŋınde Horvatiianyŋ "Osiek" komandasyn jarys jolynan şyǧarǧan edı.
Aita keteiık, 27-şı qaŋtar künı elımızdıŋ futbol federasiiasy bas bapker Stanislav Cherchesovtyŋ jūmystan ketkenı turaly mälımdedı. Onymen bırge ūlttyq futbol qūramasynyŋ jattyqtyruşylar ştaby da jūmysyn toqtatqan edı.
«Eŋbek şarty ekı jaqtyŋ özara kelısımı boiynşa toqtatyldy. Stanislav Cherchesov Qazaqstan qūramasynyŋ tızgının 2024 jylǧy mausymda ūstady. Onyŋ jetekşılıgımen ūlttyq qūrama UEFA Ūlttar ligasynda 6 match ötkızıp, Norvegiia qūramasymen teŋ oinap, 1 ūpai jinady. Sondai-aq Qazaqstan qūramasynan jattyqtyruşylar ştaby tolyq qūrammen kettı. Qazaqstan futbol federasiiasy Stanislav Cherchesov pen onyŋ ştabyna atqarǧan jūmysy üşın alǧys aityp, mansabyna tabys tıleidı!», — delıngen habarlamada.
Alǧaşynda futboldan ūlttyq qūramanyŋ bas bapkerı qyzmetıne ümıtkerler tızımı qarastyrylyp jatqany aitylǧan bolatyn.
Ūqsas jaŋalyqtar
