2023 jyly Baký – Tbılısı – Jeıhan munaı qubyry baǵyty boıynsha munaı eksportynyń kólemi 1 mıllıon 392 myń tonnaǵa deıin ulǵaıtyldy, dep habarlaıdy ”Adyrna” ulttyq portaly “QazMunaıGaz” ulttyq kompanııasynyń baspasóz qyzmetine silteme jasap.
“QazTransOıl” AQ (“QazMunaıGaz” UK AQ enshiles uıymy) 2023 jyldyń 12 aıynda Aqtaý portynan 3 mln 376 myń tonna qazaqstandyq munaı eksporttady, bul 2022 jyldyń sáıkes kezeńimen salystyrǵanda 1 mln 108 myń tonnaǵa artyq.
Aqtaý portynan eksportqa qazaqstandyq munaıdy tasymaldaý kóleminiń ulǵaıýy "Baký – Tbılısı – Jeıhan" munaı qubyry baǵytynda jóneltiletin shıkizat kóleminiń 250 myń tonnadan 1 mln 392 myń tonnaǵa deıin ósýine baılanysty, bul 2022 jyldyń uqsas kezeńimen salystyrǵanda 5,5 ese kóp.
Atap aıtqanda, bul baǵytta Teńiz kenishinen 1 mıllıon 57 myń tonna munaı jóneltildi. Sonymen qatar, esepti kezeńde Aqtaý portynan Mahachkala portyna qaraı 1 mln 984 myń tonna munaı jóneltildi.
Aıta keteıik, Qazaqstannyń negizgi munaı eksporty Reseıdi basyp ótetin Kaspıı qubyr jelisi arqyly júzege asady. Al Qazaqstan 2023 jalpy kólemi 63,4 mln tonna munaı eksporttaǵan.
”Adyrna” ulttyq portaly
