«Qazaqstan temır jolynyŋ» būrynǧy basşysy Jaqsybek Qūlekeev būrynǧy prezident Nūrsūltan Nazarbaevty keşırudı sūrady, - dep habarlaidy "Adyrna" ūlttyq portaly.
Jaqsybek Qūlekeev Nazarbaevtyŋ 30 jyl boiy el üşın atqarǧan eŋbegı zor ekenın aitty.
"Bärı bırdei ol kısıden terıs ainalyp kettı dep aitu qiyn şyǧar. Janynda jürgen azamattar bar. Nazarbaevtyŋ özın de kezeŋ-kezeŋge bölıp qarau kerek. Alǧaş egemendık alǧan kezde 2005 jylǧa deiın elbasy öte ülken qyzmet jasady. Jalpy egemendıktıŋ 30 jyldyǧynda elbasynyŋ atqarǧan eŋbegı zor. Qazaqstandy düniejüzıne tanytty, şekaramyzdy bekıttı, ol kısınıŋ qabıletı öte zor azamat. Al soŋǧy 10 şaqty jylda ol kısı özınıŋ bedelın, bilıgın jeke basyna, otbasyna köbırek paidalanyp kettı. Sodan halyq şarşady", - deidı Qūlekeev "Sūrauy bar" YouTube-arnasyna bergen sūhbatynda.
Jaqsybek Qūlekeev Nūrsūltan Nazarbaevty keşırudı sūrady.
"Elbasy da pende, ol da äke. Ol da ata. Nemere, şöbere süiıp otyr. Otbasynyŋ ainalasyndaǧylarǧa qatysty qoǧamda aitylyp jatqan pıkırlerge o kısı alaŋdamaidy eken, qynjylmaidy eken dep aitu öte qiyn. Ol da et pen süiekten jaralǧan adam ǧoi. Menıŋşe, o kısını däl qazır tabalaudyŋ qajetı joq. Qolymyzdan
keletın bolsa, egemendık üşın, keleşek ūrpaq üşın o kısınıŋ jaqsy atyn saqtap qalǧan dūrys.
Elbasy men onyŋ ainalasynda jürgen adamdardyŋ ozbyrlyǧyn nemese qylmystyq äreketın bölıp qaraǧan jön dep oilaimyn. Prezidenttıŋ ūstap otyrǧan saiasaty da sondai. Memleket üşın, bolaşaq ūrpaqtar üşın, egemendıktıŋ tuyn berık qylu üşın Nazarbaevtyŋ atqarǧan rölı öte joǧary. O kısını qazır qorlaityn bolsaq, ol – egemendıktı qorlaǧanmen bırdei närse. Sondyqtan būl tūrǧyda men halyqtyŋ elbasyǧa keşırımdı bolǧanyn qalar edım. Al otbasynyŋ jaqyn müşelerı men otbasyǧa jaqyn azamattar, jaqyndyǧy bolmasa da sol kısınıŋ janynda jürıp köp paidasyn körgen azamattar bar. Solardyŋ ısın keşıru-keşırmeu jasaǧan ıs-äreketterıne, qylmysyna bailanysty", - dedı Qūlekeev.
Eske sala keteiık, Qūlekeev 2008 jyldyŋ 13 qaraşasynda Astana qalasynyŋ Saryarqa sotymen «QTJ» ŪK» AQ prezidentı lauazymyndaǧy qyzmettık ökılettıkterın asyra paidalanǧany jäne qyzmettık ökılettıgın asyra paidalanǧany üşın 3 jylǧa bas bostandyǧynan aiyryldy, dese de Qūlekeevtı para alǧany üşın sot aqtap alǧan bolatyn.
Jaqsybek Qūlekeev Qaŋtar oqiǧasynan keiın «Qaŋtar oqiǧasy: Aqorda üşın küres» atalatyn kıtap jazǧany belgılı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz