Qyzylorda oblysynda jynystyq mäjbürlıkten japa şekken qyzǧa medisinalyq jäne psihologiialyq kömek körsetıldı. Būl turaly Qyzylorda oblysynyŋ Balalar qūqyqtary jönındegı uäkılı Jaqsygül Toǧanova äleumettık jelıdegı jazbasynda mälımdedı, dep habarlaidy “Adyrna” ūlttyq portaly.
Toǧanovanyŋ aituynşa, oqiǧa turaly aqparat tüskennen keiın ol bırden jäbırlengen qyzben jäne onyŋ anasymen kezdesken. Kezdesuden keiın qyzǧa üş ret psihologpen keŋes ūiymdastyrylyp, oblystyq densaulyq saqtau departamentınıŋ qoldauymen tolyq medisinalyq tekseru jürgızılgen.
Qyzdyŋ jaǧdaiyn eskere otyryp, därıgerler ony auruhanaǧa jatqyzudy ūsynǧanymen, anasy būl ūsynystan bas tartty. Osyǧan bailanysty, medisinalyq kömek üi jaǧdaiynda körsetılude.
”Tekserulerden keiın de jasöspırımge bırneşe ret psihologiialyq qoldau kömekterı körsetıldı. Anasynyŋ aituy boiynşa, uaqytyly alǧan kömektıŋ nätijesınde balanyŋ jaǧdaiynda oŋ özgerıster bar. Balanyŋ qauıpsızdıgın saqtau maqsatynda polisiia departamentı arqyly täulık boiy üiınıŋ aumaǧyna küzet qyzmetı qoiyldy. Ärine, barlyq ıs-äreketter men kömekter anasynyŋ kelısımıne jäne balanyŋ qalauyna säikes jasalady. Aldaǧy kezeŋde de müddelı memlekettık organdar tarapynan barlyq kömekter uaqytyly jasalatyn bolady,” - delıngen habarlamada.
Ūqsas jaŋalyqtar
