Alaıaqtar sım-kartalardyń jaramdylyq merzimin uzartýdy usynyp, adamdardy aldap jatyr. Qazaqstandyqtar messendjer arqyly alaıaqtyqtyń jańa túri týraly aqparat taratyp jatyr, dep habarlaıdy «Adyrna» ulttyq portaly Stan.kz saıtyna silteme jasap.
Paıdalanýshylardyń aıtýynsha, alaıaqtar telefon soǵyp, ózderin uıaly baılanys operatorynyń qyzmetkerimiz dep tanystyrady. Olar alaıaqtyq qurbandaryna abonenttiń SIM-kartasynyń merzimi ótip jatqanyn aıtyp, ony jańartý úshin kórsetilgen silteme boıynsha ótýin suraıdy. Osylaısha, alaıaqtar bank qosymshalaryna, resmı akkaýnttarǵa jáne basqa da jeke derekterge qol jetkizedi.
«SIM-kartalardyń jaramdylyq merzimi bolmaıdy. Al bank nemese dıskonttyq kartalar sekildi basqa kartalardyń jaramdylyq merzimi árqashan sol kartanyń ózinde jazylyp turady. Eshbir jaǵdaıda, tipti qońyraý soqqan adam ózin banktiń nemese operator kompanııanyń qyzmetkerimin dep tanystyrsa da, kúmándi siltemelerdi basýǵa nemese SMS kodtardy, qupııasózderdi, logınderdi nemese basqa da derekterdi telefon arqyly aıtpaý kerek», - dep eskertti Stop Fake saıty.
«Adyrna» ulttyq portaly
