«Adyrna» ūlttyq portalynyŋ studiiasynda Qyrǧyzstannyŋ memleket qairatkerı Süiınbek Qasmambetov qonaq bolyp, qazaq-qyrǧyz qarym-qatynasy, memlekettık qyzmet, Qyrǧyzstandaǧy saiasi ahual jäne jeke ömırıne qatysty köptegen saualdarǧa jauap berdı.
Sūhbat barysynda Süiınbek Qasmambetov eŋ aldymen qazaq pen qyrǧyz halyqtarynyŋ ǧasyrlar boiy qalyptasqan bauyrlastyq bailanysyna toqtaldy. Ol ekı el arasyndaǧy dostyqtyŋ nyǧaiuyna öz ülesın qalai qosqanyn aityp, Qazaqstan Prezidentın resmi sapar kezınde jeke qarsy alǧan sätterın eske aldy.
Memleket qairatkerı qazaqtyŋ ūly jazuşysy Mūhtar Äuezovke qoiylǧan erekşe eskertkış turaly aityp, onyŋ tarihi ärı ruhani maŋyzyna toqtaldy. Sonymen qatar qazaq pen qyrǧyz arasyndaǧy qyzyqty oqiǧalarmen bölısıp, ekı halyqtyŋ tılı tübegeilı aiyrmaşylyǧy joq ekenın atap öttı.
Sūhbatta qazaq pen qyrǧyzdyŋ arasyna jık saluǧa tyrysatyn küşter turaly da söz qozǧaldy. Qasmambetov mūndai äreketterdıŋ tarihi şyndyqqa qaişy ekenın aityp, ekı halyqtyŋ yntymaǧy men tatulyǧy ärdaiym maŋyzdy ekenın jetkızdı.
Sondai-aq, Süiınbek Qasmambetov qazırgı qyzmetı turaly aityp, Qyrǧyzstannyŋ bırneşe prezidentımen bırge jūmys ıstegen täjıribesıne toqtaldy. Ärbır el basşysynyŋ erekşelıgın sipattap, Qyrǧyzstanda bilık auysqan kezeŋderdegı köterılısterdıŋ sebepterı men saiasi mädeniettıŋ erekşelıkterıne qatysty pıkırın ortaǧa saldy.
