El prezıdenti Qasym-Jomart Toqaev “Egemen Qazaqstan” gazetine bergen suhbatynda elde jyl sońynda asa kúrdeli talqylaýǵa túsken taqyryp turmystyq zorlyq-zombylyqqa qatysty pikirin aıtty, dep habarlaıdy “Adyrna” portaly.
Ol atalmysh baǵyttaǵıa shaǵym-aryzdarmen, qylmystyq iser áıel tersheýshiler aınalysatynyn atap ótti.
”Áıelder men balalarǵa jasalǵan zorlyq-zombylyqqa qatysty qylmystardy tergeýmen áıel tergeýshiler aınalysatyn boldy. Sondaı-aq ishki ister organdarynda áıelderdi zorlyq-zombylyqtan qorǵaýmen shuǵyldanatyn mamandardyń shtaty qalpyna keltirilip, olardyń quzyreti kúsheıtildi” dedi prezıdent.
“Biz munymen shektelgen joqpyz. Byltyr otbasyndaǵy turmystyq quqyq buzýshylyqpen kúres tásilderin qaıta qaradyq. 1 shildeden bastap polıııa jábirlenýshiniń shaǵymyn emes, qylmystyń anyqtalýyn negizge alyp, qylmystyq isti tirkeýge kóshti. Iaǵnı mundaı qylmystarǵa qatysty is qozǵaý úshin zorlyq-zombylyqtan japa shekken adamnyń aryzy qajet emes. Turmystyq zorlyq-zombylyq jasaǵandarǵa ákimshilik jáne qylmystyq jaýapkershilik edáýir kúsheıtildi. Jábirlenýshi qaıta-qaıta qysymǵa ushyramaýy úshin budan bylaı mundaı iske qatysty taraptarǵa ekinshi ret tatýlasý múmkindigi berilmeıtin boldy” dep qosty ol.
Ol Májiliste jańa zań qarastyrylyp jatqanyn ataı ketti.
“Sondaı-aq Májilistiń bir top depýtaty halyqqa Joldaýymnyń aıasynda turmystyq zorlyq-zombylyqqa qarsy kúrestiń jańa ári tıimdi sharalaryn qarastyratyn zań jobasyn ázirlep jatyr”.
