"Adyrna" ulttyq portalynda «Atyraý oıyn alańdaryn kútip ustaýǵa 236 mıllıon teńgeden asa qarjy bóldi» degen taqyryppen materıal jarııalanǵan edi. Sol maqalada kóterilgen máselege qatysty Atyraý qalasy ákiminiń orynbasary E. Ýmarov jańyltpashtatyp jaýap berdi, - dep habarlaıdy "Adyrna" ulttyq portaly.
Atalǵan materıalda tender qujattaryna súıenip, onda Atyraý qalasynda qansha oıyn alańy bar ekeni kórsetilmegeni, 2024 jyldyń 31 jeltoqsanyna deıin balalar oıyn alańdaryn kútip ustaý úshin naqty ne istelý kerektigi kórsetilmegeni synalǵan edi.
Sondaı-aq quziretti organdarǵa portal tilshisi:
«1. Atyraý qalasyndaǵy oıyn alańdardy kútip ustaý úshin bıýdjetten 236 mıllıonnan asa qarjy jumsalmaq eken. Atqarylatyn jumystyń kólemi, sany, jospary, taraptardyń mindeti, barlyǵy nelikten taıǵa tańba basqandaı tehnıkalyq sıpattamada kórsetilmegen?
2. «Atyraý qalalyq turǵyn úı-kommýnaldyq sharýashylyǵy jáne turǵyn úı ınspekııasy tender jeńimpazynan esepti qalaı alady?» degen eki saýal joldaǵan bolatyn.
Bul suraqtarǵa Atyraý qalasy ákiminiń orynbasary E. Ýmarov:
«1. Joǵaryda aıtylǵandar negizinde, oıyn alańdaryna talap etiletin sıpattamalardyń parametrleriń jáne ózge de bastapqy derekterdiń sıpattamalaryn qosymshaǵa sáıkes joldaıdy.
2. Atalǵan jumystardy talap etiletin tehnıkalyq erekshelikterge sáıkes «Qalalyq turǵyn úı-kommýnaldyq sharýashylyǵy jáne turǵyn úı ınspekııasy bólimi» memlekettik mekemesiniń mamandary qabyldap alatyndyǵyn habarlaıdy», - degen qysqa ǵana jańyltpash jaýap qaıtarypty.
Uzaq ýaqyt kúttirgen jaýapta E.Ýmarov myrzanyń ne aıtpaq bolǵanyn túsine almadyq. Ákim orynbasarynyń 236 mıllıonnan asa qarjy bólingen jobanyń tehnıkalyq sıpattamasyn durystaý týraly eshteńe jazbaǵanyna qaraǵanda sheneýniktiń bul máselege qatysty aıtar eshteńesi joq bolsa kerek.
236 mıllıonnan asa aqsha az qarjy emes. Onyń suraýy áli de bolatynyn qalalyq ákimdiktiń qaperine salǵymyz keledi.
Qanat Birlikuly
Adyrna ulttyq portaly
