Memleket basshysy Qasym-Jomart Toqaevtyń “Egemen Qazaqstan” gazetine bergen suhbaty jarııalandy, dep habarlaıdy “Adyrna” ulttyq portaly.
Suhbat barysynda ótken jyly bolǵan mańyzdy saıası oqıǵalarǵa sholý jasalyp, olardyń el úshin mańyzdylyǵy ataldy:
“Biz ádil jáne básekeli ekonomıka júıesin qurýǵa kiristik. Ekonomıkany ártaraptandyrý jáne monopolııadan aryltý, ınfraqurylymdy jańǵyrtý, bıznesti qoldaý, ınvestıııa tartý jumystarymen myqtap aınalystyq. Áleýmettik salada qordalanyp qalǵan máseleler birtindep sheshile bastady. Elimizdiń túkpir-túkpirinde bilim oshaqtary, onyń ishinde, «jaıly mektepter» boı kóterýde. Aýyldarda densaýlyq saqtaý nysandary salynyp jatyr. Áleýmettik turǵydan osal toptaǵy azamattarǵa keshendi túrde qoldaý kórsetý úshin Áleýmettik kodeks qabyldandy. Zııandy eńbek jaǵdaıynda jumys isteıtin azamattar úshin arnaıy tólemaqy engizildi. Tabıǵatty qorǵaýǵa jaýapty mekemelerdiń qyzmetkerlerine olardyń ómiri men densaýlyǵyna tónetin qaýip-qaterge qatysty ústemeaqy tólenetin boldy. Medıına qyzmetkerleriniń, mektepte, kolledjde jáne balabaqshada jumys isteıtin pedagogterdiń jalaqysy ósti. Ulttyq qordan balalarǵa qarjy berý máselesin retteıtin zań kúshine endi. Negizgi ekonomıkalyq kórsetkishterdi, onyń ishinde ınflıaııa deńgeıin eskere otyryp eń tómengi jalaqyny anyqtaıtyn ádisteme qabyldandy” dedi Toqaev.
Sondaı-aq, ol Qańtar oqıǵasyn bıliktegi joǵary laýazymdy adamdarǵa unamaǵan saıası júıege unamaý saldarynan jasalǵan dúnıe dep atady:
“Osy jańa baǵdarymyz keıbir yqpaldy adamdarǵa múlde unaǵan joq. Olar bul ózgeristi elimizde ábden tamyr jaıǵan júıege jáne bılik qurylymyndaǵy ózderiniń «erekshe mártebesine» tóngen qater dep qabyldady. Mundaı adamdar eldegi ózgeriske astyrtyn, keıde tipti ashyq qarsylyq bildire bastady. Aqyr sońynda reformanyń betin qaıtaryp, ózderine yńǵaıly burynǵy qalypqa oralý úshin bárin tas-talqan etýge sheshim qabyldady” dedi ol.
