Memleket basşysy Qasym-Jomart Toqaev Resei prezidentı Vladimir Putinmen telefon arqyly söilestı. Būl turaly Aqorda jariialady, dep habarlaidy "Adyrna".
Äŋgımelesu barysynda Resei prezidentı Memleket basşysyn Qazaqstan Respublikasynyŋ jaŋa Konstitusiiasyn qabyldau boiynşa jalpyūlttyq referendumnyŋ tabysty ötuımen qūttyqtady.
"Prezidentter özara qarym-qatynastyŋ kün tärtıbın talqylady. Qasym-Jomart Toqaev Resei prezidentınıŋ mamyr aiynyŋ soŋynda Qazaqstanǧa josparlaǧan memlekettık sapary ekı el arasyndaǧy strategiialyq serıktestık pen odaqtastyq bailanystardy nyǧaitu tūrǧysynan airyqşa mänge ie ekenın atap öttı.
Vladimir Putin Astanada ötetın aldaǧy kelıssözderge berılgen mūndai baǧamen kelısetının jetkızıp, ekıjaqty yntymaqtastyq barlyq strategiialyq salada qarqyn alǧanyna nazar audardy", delıngen Aqorda habarlamasynda.
Al Kreml habarlamasynda Qazaqstannyŋ Euraziia ekonomikalyq odaǧyndaǧy töraǧalyǧy talqylanǧany da aitylǧan.
