Prezident Qasym-Jomart Toqaev Tatarstan basşysy Rustam Minnihanovty qabyldady. Būl turaly Aqorda mälımdedı, dep habarlaidy “Adyrna” ūlttyq portaly.
Kezdesu barysynda sauda-ekonomikalyq, investisiialyq, agrarlyq jäne mädeni-gumanitarlyq salalardaǧy yntymaqtastyqty damytu perspektivalary talqylandy.
Bız ülken delegasiiamen keldık: 100-den astam adam, 38 kompaniia. Bızdıŋ mındetımız tek ırı biznesterımızdı ǧana emes, tek sauda-ekonomikalyq qarym-qatynastardy ǧana emes, sonymen qatar bızdıŋ orta jäne şaǧyn käsıporyndardyŋ da sızdıŋ elmen belsendı jūmys ısteuın qalaimyz, - dedı Minnihanov.
Al Memleket basşysy Qazaqstanmen aradaǧy ekonomikalyq yqpaldastyq auqymy boiynşa Tatarstan Resei öŋırlerı arasynda jetekşı orynǧa ie ekenın atap öttı.
Qazaqstan men Tatarstannyŋ yntymaqtastyǧy qarqyndy damyp keledı jäne Resei Federasiiasymen köpjaqty qarym-qatynasymyzda maŋyzdy röl atqarady dep aituǧa tolyqtai negız bar. Ötken jyldyŋ qorytyndysy boiynşa Qazaqstan men Tatarstan arasyndaǧy tauar ainalymy 22,5 paiyzǧa ösıp, 597 million dollardan asty. Maşina jasau salasynda «Tatneft», «KAMAZ» kompaniialarynyŋ qatysuymen ırı jobalar tabysty jüzege asyrylyp jatyr. Būdan da bölek jobalar bar, – dedı Qasym-Jomart Toqaev.
