Jańa jyldan bastap zııandy eńbek jaǵdaıynda isteıtin azamattarǵa arnaýly áleýmettik tólem taǵaıyndaldy. Bul týraly eńbek mınıstrligi málimdedi, dep habarlaıdy “Adyrna” ulttyq portaly.
Málimet boıynsha, tólemniń ortasha somasy 200 myń teńgeden asady.
Arnaýly áleýmettik tólem 55 jasqa tolǵan jáne keminde 84 aı mindetti kásiptik zeınetaqy jarnalary tólengen, sondaı-aq zııandy jumystaǵy qyzmetin toqtatqan jumysshylarǵa beriledi.
Bıyl zııandy óndiristerde isteıtin 37 myń qazaqstandyq arnaıy tólem ala alady. Onyń ortasha mólsheri 208 myń teńgeni quraıdy.
Tólem zeınet jasyna deıin, ıaǵnı 63 jasqa deıin tólenedi.
Arnaýly tólem alatyn jumysshylar aýyr jumystan jeńil jumysqa aýysýy shart nemese óz qalaýymen jumystan múlde shyǵa alady.
Arnaıy áleýmettik tólem birneshe jerden tólenedi. Olar:
- bıýdjetten 2 eń tómengi kúnkóris deńgeıi mólsherinde arnaýly kásiptik memlekettik járdemaqy;
- jumys berýshiniń qarajaty esebinen 1 eń tómengi kúnkóris deńgeıi mólsherinde kásibı tólem;
- saqtandyrý uıymdarynan zeınetaqy aldyndaǵy annýıtet sharty boıynsha 1 eń tómengi kúnkóris deńgeıi mólsherinde saqtandyrý tólemi;
- biryńǵaı jınaqtaýshy zeınetaqy qorynan mindetti kásiptik zeınetaqy jarnalary esebinen qalyptastyrylǵan zeınetaqy.
2023 jyly 1 qyrkúıekte prezıdent Qasym-Jomart Toqaev aýyr jáne zııandy óndiriste jumys isteıtin azamattarǵa arnaıy áleýmettik tólem tóleýdi tapsyrdy.
Aıta keteıik, aýyr jáne zııandy óndiriste isteıtin jumysshylar qataryna shahterler, metallýrgter, kenshiler jáne taǵy basqalary kiredi.
