Azamattyŋ atyna räsımdelgen tuystarynyŋ päterı nemese avtokölıgı äleumettık kömek taǧaiyndau kezınde otbasynyŋ materialdyq jaǧdaiyn baǧalauǧa yqpal etuı mümkın. Būl turaly Ortalyq kommunikasiialar qyzmetınde ötken brifingte Eŋbek jäne halyqty äleumettık qorǧau bırınşı vise-ministrı Erbol Tūiaqbaev mälımdedı, dep habarlaidy “Adyrna”.
Ministrlık ökılderınıŋ tüsındıruınşe, eger päter nemese kölık ıs jüzınde tuysyna tiesılı bolǧanymen, qūjat jüzınde basqa adamnyŋ atyna tırkelse, aqparattyq jüieler būl mülıktı sol adamnyŋ aktivı retınde esepke aluy mümkın.
Mūndai jaǧdaidyŋ äleumettık kömek taǧaiyndauǧa kerı äserın boldyrmau üşın memlekettık derekqorlardaǧy mälımetterdı naqtylap, qajet bolǧan jaǧdaida tüzetu engızu kerek. Ol üşın azamattar Eŋbek jäne halyqty äleumettık qorǧau ministrlıgıne nemese jergılıktı äkımdıkke jügıne alady. Sondai-aq elektrondyq servisterdı paidalanuǧa mümkındık bar.
«Bız osyndai jaǧdailardy retteu üşın tiıstı mümkındık qarastyryp otyrmyz. Mūndai jaittar kezdesuı mümkın, sondyqtan ärqaisysyn bırlesıp pysyqtaimyz. Eşqandai mäsele tuyndamauy kerek», – dedı Erbol Tūiaqbaev.
