Reseı jalǵa alǵan 750 myń gektar Atyraý jeri ózimizge qaıtarylmaq

4058
Adyrna.kz Telegram

Reseı Qazaqstannan jalǵa alǵan Atyraý oblysyndaǵy jerdiń negizgi bóligi aldaǵy ýaqytta memleket qoryna qaıtarylady, dep habarlaıdy “Adyrna” ulttyq portaly Nege.kz portalyna silteme jasap. 

Atyraý oblysynyń Qyzylqoǵa aýdanynda Reseı Federaııasy Qorǵanys mınıstrligi 25 jylǵa 750 myń gektarǵa jýyq jerdi jalǵa alǵan. Onda jıyrmadan astam jarylystar jasalǵan, alaıda polıgon kópten beri paıdalanylmaǵan.

Qazaqstan Respýblıkasy Premer-Mınıstriniń orynbasary Roman Sklıar Atyraý oblysy Qyzylqoǵa aýdanyndaǵy Taısoıǵan polıgony jerleriniń bir bóligin qaıta bólýge qatysty pikir bildirdi.

Depýtattardyń saýalyna sáıkes, onda jer asty sýlarynyń úlken qory ornalasqan.

«2016 jylǵy 22 aqpanda synaq alańdaryn paıdalaný jáne jalǵa berý týraly kelisim ratıfıkaııalandy. Kelisimge sáıkes, buǵan deıin Reseı Federaııasy Qorǵanys mınıstrligi jalǵa alǵan Taısoıǵan memlekettik ushý-synaq ortalyǵynyń (GLITS) №929 soltústik bóligi Qazaqstannyń quzyryna ótti. Atyraý oblysynyń Qyzylqoǵa aýdanynda reseılik áskerılerdiń jalǵa alǵan 749,6 myń gektar jeri boldy», - dedi Roman Sklıar. Nátıjesinde, 624,6 myń gektar jer (83,3%) qaıtarylǵan.

Atyraý oblysyndaǵy Taısoıǵan áskerı polıgonynyń jerleri Qazaqstanǵa qaıtarylǵannan keıin eki jyl boıy topyraq pen sýda zııandy zattardyń bar-joǵyn zertteý jumystary júrgizildi.

Zertteý nátıjeleri boıynsha qaıtarylǵan 624,6 myń gektar jer ekologııalyq qaýipsiz jáne aýyl sharýashylyǵyna jaramdy ekeni belgili boldy.

“Adyrna” ulttyq portaly

Pikirler