Atyrauda tūrǧyn üiler men zirattardy tonap kelgen 4 adam ūstaldy. Būl turaly oblystyq polisiia departamentı baspasöz qyzmetı mälımdedı, dep habarlaidy “Adyrna” ūlttyq portaly.
Departament mälımetınşe, küdıktılerdıŋ jasy 29-33 jas aralyǧynda.
«Atyrau qalalyq №2 polisiia bölımınıŋ qyzmetkerlerı jedel-ızdestıru ıs-şarasy kezınde şahar aumaǧyndaǧy tūrǧyn üilerge, oǧan qosa zirattarǧa ūrlyqqa tüsken 1989, 1992, 1992 jäne 1993 jyly tuǧan tört küdıktını anyqtap, ūstady. Küdıktıler aqpan-mamyr ailary aralyǧynda aldyn ala söz bailasu arqyly Atyrau qalasy aumaǧyndaǧy zirattardan metall aişyqtar men qūlpytastardy qoldy etıp, marqūmdardyŋ tuystaryna 3 mln 570 myŋ teŋgege materialdyq şyǧyn keltırgen.Ūrlyqty käsıp etkender būl qylmystyq ıs-äreketterımen şektelmei, Atyrau qalasynyŋ şaǧynaudandaryndaǧy 6 tūrǧyn üi-jaiǧa zaŋsyz kıru arqyly ärtürlı öndırıstık tehnikalardy, altyn būiymdardy, oiyn pristavkasyn, qūrylys qūraldaryn jasyryn jymqyrǧan. Söitıp, tūrǧyn üi ielerın 6 mln teŋgege şyǧynǧa batyrǧan», - delıngen habarlamada.Tört küdıktıge qatysty QR Qylmystyq kodeksınıŋ 188-baby 3-bölıgınıŋ 1,2,3) tarmaqtary boiynşa sotqa deiıngı tergep-tekseru jürgızıldı. Qylmystyq ıs zaŋdy şeşım şyǧaru üşın sotqa joldandy.
”Adyrna” ūlttyq portaly
